Astronomie

Vu Wikipedia, der fräier Enzyklopedie.

'Astronomie ', ass e Begrëff fir déi Branche vun den Naturwëssenschaften, déi sech mat der Erfuerschung vum Universum ofginn, dat heescht, mat der Verdeelung a Beweegung, de physikaleschen Eegenschaften an Zoustänn, dem Entstoen, der Entwécklung an der Zesummesetzung vun der Matière am Weltraum a mat der Entwécklung a Strukture vum Kosmos am grousse Ganzen. D'Astronomie ass déi eelsten Naturwëssenschaft iwwerhaapt.

Den Numm Astronomie kënnt aus dem griicheschen άστρον (ástron - Stär) an νόμος (nomos - Gesetz). D'Astronomie beschäftegt sech nieft de Planéiten a Fixstären och mat Galaxien a villen aneren Himmelsobjeten. An der Astronomie fanne sech awer och Erkenntnisser aus anere Fachgebidder wéi zum Beispill der Physik, der Chimie, der Geologie, der Geophysik, der Mineralogie, der Biologie, der Mathematik, der Kartographie an nach aneren.

Amateurastronomen

Inhaltsverzeechnis

1 Astronomie
2 Spezialgebidder vun der Astronomie
3 Literatur zum Thema
4 Linken
- 4.1 Kuckt och
- 4.2 Um Spaweck
  - 4.2.1 Lëtzebuerg
  - 4.2.2 De Rescht vun der Welt

[Änneren] Astronomie

Duerch d'visuellt Betruechte vum Nuetshimmel an dem Laf vun de Planéiten an der Sonn gëtt Astronomie schonn zënter Joerdausende bedriwwen. Zënter véierhonnert Joer ginn Teleskope benotzt; zu de Pionéiere gehéiert ënner anerem de Galileo Galilei.

D'19. Joerhonnert huet grouss Fortschrëtter mat sech bruecht, besonnesch duerch d'Fotographie an d'Spektroskopie. An der Mëtt vum 20. Joerhonnert koum d'onbemannt a bemannte Raumfaart dobäi. Mëttlerweil gëtt mat de verschiddenste physikalesche Methoden all elektromagnéitesch Strahlung déi aus dem Weltall kënnt, beobacht.