FC Bayern München

Vu Wikipedia, der fräier Enzyklopedie.

Den FC Bayern München ass en däitsche Foussballclub deen zënter 1965 an der Éischter Däitscher Foussballbundesliga spillt.

Bayern München ass deen erfollegsräichste Club aus Däitschland an ass dee Foussballclub deen déi zweethéchste Memberszuel op der Welt huet ( >110 000 Memberen). Zënter senger Grënnung am Joer 1900 hunn d'Staren vu Bayern München 20 däitsch Meeschtertitele gesammelt a 4 mol déi hautdesdaags Champions League genannte Coupe gewonnen. Sou wonnert et och net, datt d'Bayern, wéi se am Volleksmond och nach genannt ginn, ee vun deenen erfollegsräichsten an ugesinnste Clibb a ganz Europa duerstellt.

E gewësse Franz John huet de Club de 27. Februar 1900 mat 10 Foussballkollege gegrënnt, nodeem se Sträit mat hirem Stammveräin MTV 1879 München krut haten. Vill Joer méi spéit woar et dann en anere Franz, de Franz Beckenbauer, deen als ee vun de beschte Foussballspiller vun der Welt den FC Bayern München zu weideren Erfolleger gefouert huet.

Haut ass de Franz Beckenbauer President vum FC Bayern München. Am Virstand vum Veräin sinn den Uli Hoeneß (Manager), Karl Hopfner (Finanzen) an de Karl-Heinz Rummenigge (Virstandsvirsëtzenden) vertrueden an den Trainer vum Weltclub ass de Otmar Hitzfeld, deen de Club zënter senger Verflichtung am Joer 2004 (1. Juli) op der Erfollegsspuer hält, notamment mam Doublé (Meeschterschaft a Coupe) gläich a senger éischter Saison als Trainer bei de Bayern.

De leschten Erfolleg vun de Bayern am europäesche Foussball ass de Gewënn vun der Champions League am Joer 2001 wou se sech an der Final géint den FC Valencia aus Spuenien mat 1:0 duerchgesat hunn. Domat hu si dann och dat Ongléck aus dem Joer 1999 rëm wettgemaach wéi se d'Champions League géint Manchester zu Barcelona an der Nospillzäit vun der Parti - si haten 1:0 geféiert - nach verluer hunn.

Ënnert dem neien Trainer Felix Magath schécke se sech un, nees un dës Erfolleger unzeknäppen. Dës Saison hu se schonn divers Rekorder obgestallt an dierften eng gutt Roll beim Vergi vun der dësjäreger Coupe vun der Champions League spillen.

Kapitän vun de Bayern ass awer den Oliver Kahn (GER), den duebele Weltgolkipp, deen als éischte Golkipp iwwerhaapt zum beschte Spiller vun enger Weltmeeschterschaft gewielt ginn ass (2002). Weider Leeschtungsdréier vun der Equipe sinn de Banneverdeedeger Lucio (BRA) - ee vun de beschte vu senger Zunft op der Welt, de Rietsbausse Willy Sagnol (FRA), de Martin Demichelis (ARG) virun der Ofwier an de Roy Makaay (NED) am Stuerm. Zënter der Summerpaus 2006 ass en neien wichtegen Leeschtungsdréier bei de Bayern derbäi komm, dëst ass de Mark van Bommel (NED).

Dës weidere besetzt Bayern nach eng Rei vu groussen Nowuesstalenter, wéi z.B. de Philipp Lahm (GER), de Bastian Schweinsteiger (GER) oder den Owen Hargreaves (ENG).

Den FC Bayern München huet nieft der Profisequipe och nach Jugendequippen.

Donieft gëtt et och nach eng Fraenequipe déi sech uschéckt ähnlech erfollegräich ze gi wéi d'Männer.

Nieft dë Foussballsequippen ginn et beim FC Bayern München nach Basketball-, Schach-, Turn-, Dëschtennis-, Arbitter-, Handball- a Keelenabteilungen.

[Änneren] Kader Saison 2008/09

[Änneren] Gol

1 GER Michael Rensing

22 GER Hans Jörg Butt

[Änneren] Ofwier

2 FRA Willy Sagnol

3 BRA Lúcio

6 ARG Martín Demichelis

23 GER Marcel Jansen

28 GER Stefano Celozzi

21 GER Philipp Lahm

5 BEL Daniel Van Buyten

30 GER Christian Lell

[Änneren] Mëttelfeld

15 BRA Ze Roberto

16 GER Andreas Ottl

31 GER Bastian Schweinsteiger

39 GER Toni Kroos

19 PAR Julio Dos Santos

17 NED Mark Van Bommel

[Änneren] Stuerm

9 ITA Luca toni

11 GER Lukas Podolski

18 GER Miroslav Klose

[Änneren] Statistik

• Europokal vun de Landesmeeschter (3) / Champions League (1):
  • Siiger: 1974, 1975, 1976, 2001
  • Zweeten: 1982, 1987, 1999

• UEFA-Pokalsiger (1): 1996

• Europapokal vun de Pokalgewënner (1): 1967

• Weltpokal (2): 1976, 2001

• Doublé (5): 1969, 1986, 2000, 2003, 2005, 2006

• Däitsche Meeschter (19): 1932, 1969, 1972, 1973, 1974, 1980, 1981, 1985, 1986, 1987, 1989, 1990, 1994, 1997, 1999, 2000, 2001, 2003, 2005, 2006, 2008

• Däitsche Vizemeeschter (8): 1970, 1971, 1988, 1991, 1993, 1996, 1998, 2004

• DFB-Pokal-Gewënner (12): 1957, 1966, 1967, 1969, 1971, 1982, 1984, 1986, 1998, 2000, 2003, 2005, 2006, 2008

• DFB-Pokal-Finalist (2): 1985, 1999

• Däitsche Supercup-Gewënner (3): 1983 (inoffiziell), 1987, 1990

• Däitsche Ligapokal-Gewënner (5): 1997, 1998, 1999, 2000, 2004

[Änneren] Um Spaweck

• FC Bayern München - offiziell Homepage
• Mythos Bayern
• Allianz Arena - offizielle Spilluert