Epaphos
Vu Wikipedia, der fräier Enzyklopedie.
Den Epaphos war an der griichescher Mythologie de Jong vum Zeus a vum Io. Nodeems seng Mamm laang Zäit erëmgeiert ass, huet si den Epaphos um Nil op d'Welt gesat. D'Hera huet dofir gesuergt datt hien vun de Kureten entfouert ginn ass, wourops den Zeus se mat engem Blëtz erschloen huet.
Vum Io ass den Epaphos bei der Kinnegin vu Byblos erëmfonnt an an Egypten zréckbruecht ginn, wou e spéider Kinnek ginn ass. En huet d'Memphis bestued a war de Papp vum Libye a vum Lysiannassa. E gëllt ausserdeem als Grënner vun der Stad Memphis. D'Griichen hunn den Epaphos mat dem egyptesche Gott Apis gläichgesat.
[Änneren] Fir ze liesen
- Je m'appelle Byblos, Jean-Pierre Thiollet, Paris, H & D, 2005. ISBN 2 914 266 04 9
 |
Griichesch Mythologie – All d'Artikelen op der Wikipedia zu der griichescher Mythologie. |
