Colin Clark
Vu Wikipedia, der fräier Enzyklopedie.
De Colin Clark, * 2. November 1905, † 4. September 1989, war een engleschen Economist.
Hien huet op der Universitéit Cambridge (1931-1937) dozéiert an duerno bis 1952 an England an Australien, wou en als Beroder bei dësen zwou Regierungen täteg war. De Colin Clark huet eng Rei vu Bicher geschriwwen, an dobei ëmwälzend Theorien ëntwéckelt am Zesummenhang mat der Economie an an der Statistik. Hie war den éischten, dee dë Brutosozialprodukt (BSP), an nit dë Bruttoinlandsprodukt (BIP) als Moossstaf vu sengen Aarbechte benotzt huet. Am bekannteste sinn iewer seng Wuesstumstheorien. Mat sengem Buch The conditions of of Economic Progress (1940, Nodrock 1982) ass him hei een Duerchbroch gelong.
Fir de wirtschaftlëche Fortschrett an engem Land sécherzestellen, muss et, no him, zu enger Verlagerung vun der aktiver Bevëlkerung aus dem Primären (Akerbau a Biergbau) an de Sekundären (Industrie) an duerno an den Tertiäre Wirtschaftssektor (Handel an aner Servicen) kommen. De Jean Fourastié huet spéider dës Théorie nach präziséiert an ausgebaut.
[Änneren] Säi Wierk
- Colin Clark: The conditions of of Economic Progress, (1940, repr. 1982)
- Colin Clark huet ee wesentlechen Beitrag geleescht zur: The Columbia encyclopedia, New York: Columbia University Press,lescht Versioun 2004
