Argenton-sur-Creuse
Vu Wikipedia, der fräier Enzyklopedie.
|
|||||
|---|---|---|---|---|---|
| Land |  Frankräich |
||||
| Regioun |  Centre |
||||
| Departement |  Indre |
||||
| Arrondissement | Châteauroux | ||||
| Kanton | Argenton-sur-Creuse | ||||
| Code Insee | 36006 | ||||
| Postcode | 36200 | ||||
| Interkommunalitéit | Communauté de communes du Pays d'Argenton-sur-Creuse |
||||
| Koordinaten | 46° 35’ 23’’ N 01° 31’ 12’’ O |
||||
| Fläch | 2 934 ha | ||||
| Bevëlkerung | 5 146 Aw. (1999) | ||||
Argenton-sur-Creuse ass eng kleng franséisch Stad am Departement Indre an der Regioun Centre.
D'Stiedchen huet sech am Mëttelalter lues a lues ëm eng Bréck breetgemaach déi do iwwer d' Creuse geet.
Déi al Bréck gouf vun enger Buerg bewaacht déi op deeër Plaz stoung wou haut d'Kapell Notre-Dame des Bancs steet, an déi och einfach Bonne Dame genannt gëtt. D'Kapell gouf der Muttergottes geweit well si d'Stad 1623 virun enger Peschtepidemie geschützt huet.
Vun der Terrasse virun der Kapell huet een eng schéi Vue iwwer d'Diecher vun der Stad, op Quaien an op d'Creuse déi en enke Bou ëm d'Stad mécht.
Vun der Bréck geseit en op déi al Haiser mat Loggiaen a Galerieën, déi e beléifte Sujet fir Moler sinn.
Den Haaptrevenu vun der Stad koum fréier aus der Textilbranche. E Musée erzielt d'Geschicht vun der Härenhiemerproduktioun, mat enger grousser Collectioun vun Hiemer vu fréier. Op Ufro kann een nach vu fréiere Bitzerinne gewise kréie wéi en Hiem gebutt gouf. Wann et engem Spass mécht kann e Modeller probéieren déi nach aus der Zäit vum Henri III. staamen, grad esou gutt wéi Hiemer déi fir den Johnny Hallyday gemaach goufen.
| Uertschaft virdrun Châteauroux |
Jakobswee Via Lemovicensis |
Uertschaft duerno Éguzon |
