Postcode
Vu Wikipedia, der fräier Enzyklopedie.
De Postcode ass en Ensembel vun Zifferen an/oder Buschtawen dee vun de Postgesellschafte gebraucht gëtt fir d'Verdeelung an d'Sënnere vum Courrier méi séier a méi einfach kënnen ze maachen.
Postcode kënne vun automatesche Sënnermaschinne gelies ginn, an d'Verdeelung vum Courrier op déi respektiv Verdeelerplaze kann esou ouni manuell Interventioun gemaach ginn.
D'Postcode vun de verschiddene Länner sinn am Prinzip no geographeschen Zonen agedeelt. Verschidde Spezialcode si fir Postkëschten oder wéi a z.B a Frankräich fir Institutiounen oder Entreprise reservéiert. Dat ass do de Sytem CEDEX (Courrier d'Entreprise à Distribution Exceptionnelle)).
Zu Lëtzebuerg gouf de Postcode 1980 agefouert a besteet aus 4 Zifferen. Mat him gi ganz prezis d'Stroossen an den Uertschaften définéiert, an heiansdo esou, datt souguer déi riets an déi lénks Säit ënnerscheet gëtt, oder eng méi laang Strooss vun enger bestëmmter Haisernummer un en anere Code kritt. Och gréisser Entreprisen, Administratiounen a Postkëschtadressen hunn hiren eegene Postcode.
Zu Singapur huet all gréissert Gebai säin eegene Postcode. Irland ass dat eenzegt Land an der EU, dat bis haut kee Poscode-System huet.
