Ancien Cinéma
Vu Wikipedia, der fräier Enzyklopedie.
Den ale Kino vu Veianen ass ee vun de jéngste Kinossäll zu Lëtzebuerg. Op der selwechter Adress war schonns emol e Kino mam Numm "Ciné Besseling", dee bis an d'70er Joren op war.
Den Ancien Cinéma ass am Dezember 2007 vun der polnescher Koppel Maciej & Hanna Karczewski ënnert engem neie Konzept nees opgemaach gin. An dësem Sall lafe virun allem al Filmer (Buster Keaton, Charlie Chaplin, Fritz Lang, Sergei Eisenstein, asw.) Ee Sonndeg iwwer deen anere gi speziell Seancë fir Kanner organiséiert. Donieft gi Liesungen a Concerte gehalen. Iwwer d'ganzt Joer gi Konscht- a Fotosausstellungen organiséiert.
Am viischte Beräich ass en Jazz-Café. A Bicherregaler fënnt ee Referenzwierker zum Kino an zum Jazz, an deene bei enger Taass Kaffi ka gebliedert ginn.
De Kino ass ze fannen am Zentrum vu Veianen op der Haaptstrooss Nr. 23, direkt ënnert der Post.
- De Sall huet 50 Plazen;
- De Projektiounsapparat ass e Beamer;
- Toun: digital;
- Den Ecran ass 4,5 Meter breet a 2,5 Meter héich;
- Op enger grousser Bün kënne Liesungen, Cabaret a Concerte gehale ginn;
- D'Miwwele sinn aus den 50er a 60er Joren.
[Änneren] Linken
[Änneren] Kuckt och
[Änneren] Um Spaweck
