Theseus
E Vicipaedia
Theseus, Aegei filius Atheniensium regis, fuit Herculis aemulus et comes. Saepe animalia fera et scelerati crudeles ab eo viro forti vincebantur. Scirona et Procrustem, tyrannorum crudelissimos, oppressit. Una cum amico Pirithoo debellavit Centauros. In Cretam navigavit, ubi intra labyrinthum pugna acri monstrum Minotaurum, semivirum et semibovem, interfecit. Haec bellua, inclusa in Labyrintho Cretae, devorabat quotannis septem pueros, quos Athenienses mittere cogebantur. Hanc poenam eis imposuerat rex Cretensium, Minos, cuius filium Androgeum interfecerant. Caede monstri Athenienses redempti fuerunt ab hoc atroci tributo. Exitum labyrinthi filo, quod ab Ariadne, filia Minois, amore Thesei incensa acceperat, invenit.
