Marmolata
E Vicipaedia
| Marmolata | |
|---|---|
 |
|
| altitudo: | 3.343 m |
| Locus (Sept-Medit) | 46° 26' 13 ad septentrionalem partem spectans |
| Locus (Occ-Orient) | 11° 51' 55 ad orientalem pertem spectans |
| situs: | Italia |
| Mons: | Dolomianorum montes |
| Primus ascensus: | anno 1864 a Paulo Grohmann factus |
| Ascensus facillimus: | a septentrionali parte per molem conglaciatam ab transitu Fedaia, a partibus occidentali et meridionali calles difficiliores sunt. |
Marmolata (-ae, f., Italice: Marmolada, Ladine: Marmoleda) maximus mons Dolomianorum montium et mons glacialis est. Mons magnus dorsus est qui e occidentali parte ad orientalem partem ducit. E meridionali parte magnum praeceps plurium kilometrorum est.
Altissimus locus Punta Penia est altitudine 3 343 metrorum. Alia cacumina sunt Punta Rocca (3.309 m), Punta Ombretta (3.230 m), Mons Serauta (3.069 m) et Piz Serauta (3.035 m). Ad Puntam Roccam ducit via funicularia. Ad Puntam Peniam a Domu Contrina in partibus meridionalibus ducit via ferrata ut Italici dicunt vel callis ferratus per Marmolatae locum serratim scissum et montis dorsum occidentalem.
Primus Paulus Grohmann anno 1964 montem ascendit calle septentrionali.
Usque ad Bellum Orbis Terrarum I Marmolata pars finis inter Austriam et Italiam erat. Bellum et in montem gerebatur. Milites Austriaci in montis perpetua glacie collocati erant.
Index |
[recensere] Prospectus
[recensere] Fabula de origine molis nivium conglaciatae
In Tirolo Meridionali fabula aetiologica est quae refert quomodo moles nivium conglaciata orsa est: Olim in monte nec nix nec glacies erat, sed pascua montana et prata erant. Ante diem festum Mariae mense Augusto intermissio laboris ab agricolis facta est et omnes deorsum in vallem ibant ecclesiam ituri. Sed duo agricolae non carebant de laboris intermissione die festo facienda. Laborare per omnem diem continuabant ut omnem faenum securum sub tecta congererent. Et revera ningere coepit. Nix autem cadebat et cadebat sine fine. Denique omnis Marmolata operta erat mole nivium conglaciata usque ad hoc diem (nisi caelum nostrae aetatis calefactatum haec omnia rescindit).
- Liber Germanice scriptus: Sagen, Märchen und Schwänke aus Südtirol. Band 1: Wipptal, Pustertal, Gadertal. Gesammelt von Willi Mai. Herausgegeben mit Anmerkungen und Kommentar von Leander Petzoldt im Auftrag der Gesellschaft für Tiroler Volkskultur. Tyrolia-Verlag Pons Aeni, Vienna 2000. ISBN 3-7022-2227-8
[recensere] Vide etiam
[recensere] Nexus externi
 |
Vicimedia Communia plura habent quae ad Marmolatam spectant. |
