Ioannes Calvinus
E Vicipaedia
Ioannes Calvinus (n. Noyoni in Francia 10 Iulii 1509, m. Genavae in Helvetia 27 Maii 1564) fuit theologus et magnus sacrorum corrector ecclesiae et urbis Genavae. Huius civitatis, quae etiam hodie in eius memoria saepe Urbs Calvini appellatur, Calvinus fuit non tantum reformator, sed ab anno 1541 usque ad mortem dux.
Index |
[recensere] Vita
Natus est Calvinus Noyoni, urbis Picardiae, die 10 Iulii anno 1509, filius Ioannae et Gerardi, causidici episcopi Noyonis. Ille iuvenis matre orbatus est, nam anno 1516 mater gravis morbi periit.
Post studia apud collegia "de la marche" et "Montaigu" in Lutetia, Calvinus iussu patris antea semper in Lutetia Parisiorum postea in Aurelia studia iurisprudentiae fecit.
Anno 1532 forsitan 1533 Calvinus, qui ab initio fuit humanista, et numquam presbyter ordinatus est, ad emendationem religionis Christianae convertit.
Post orationem Nicolai Copi, quae etiam a Calvino parata fuit, in ecclesia franciscanae Lutetiae pro exordio universitatis anni, quacum emendatores ecclesiae defendetur, Calvinus a Lutetia fugire debuit. Mense Ianuario anno 1535, propter persecutiones reformatorum, fugit a Francia ipsa, et ivit in helveticam urbem Basiliam, cuius incolae reformationem ecclesiae acceperant, ubi quoque vivebat praeclarus theologus ac vir doctus Desiderius Erasmus Roterodamus.
Post editionem Institutionem Christianae Religionis Calvinus emisit ex Basilia et mense Martii 1536 in Ferraria et postea breviter in Lutetia est. Iulii 1536 inter viam Argentorati, a Gulielmo Farel persuaso, in Genava mansit.
In emendatione ecclesiae Calvinus ac Farel exemplum maximae severitatis ediderunt et discordaverunt cum parte incolarum Genavae. Post annos duo ex hoc oppido itaque fugere debuerunt.
Farel in Genavam numquam rediit, nam vixit semper Novicastri ubi die XIII Septembris anno domini 1565 obiit. E contrario Calvinus post tres annos, inter quos Argentorati vixerat ibique eclesiam emendatam incolarum Francicae originis curaverat, mense Septembre 1541 iterum in Genavam convocatus fuit et in hac urbe semper usque ad mortem vixit. Huius civitatis, quae etiam hodie in eius memoria saepe Urbs Calvini appellatur, Calvinus fuit non tantum reformator, sed etiam ab anno 1541 usque ad mortem dux.
Iussu Calvini necatus est Genavae die 27 Octobris 1553 theologus, medicus, et humanista Michael Servetus propter thesim eius contra Trinitatem.
Post mortem Calvini in eius locum Theodorus Beza successit.
[recensere] Opera
Magnum Calvini opus est Institutio Christianae Religionis, quod Francofurti ad Moenum Latine anno 1536, Francice 1541, Genavae editum est. Inter sua opera sunt:
- De Clementia—glossa homonymae operi Senecae (1532)
- Psychopannychia (1534)—contra Anabaptistas
- Catechismus Genavae Ecclesiae (1542)
- multae glossae librorum Bibliorum Sacrorum
[recensere] Nexus externus
- Institutio Christianae Religionis (pars prima, pars secunda) (Latine)
- De Ioanne Calvino in pagina haeresibus dicata (Italice)
