Aeneas
E Vicipaedia
Aeneas (-ae, m.) Troianus erat filius Veneris et Anchisae. Uxor eius Creüsa filia Priami Hecubaeque et soror Hectoris ei Ascanium peperit. Troia capta Aeneas fugae se mandavit, ut Iovis et Apollinis iussu, qui ex populo Troiano superessent, eos in sedes novas duceret. Profugus vi tempestatis Karthaginem delatus est, ubi Dido regina in amorem eius incidit, quam Aeneas Mercurii dei monitu reliquit.
Post longos errores Aeneas in Latium advenit, ubi Turno rege Rutulorum multis proeliis devicto Laviniam filiam Latini regis in matrimonium duxit. Unde Troianis cum indigenis coniunctis nova gens orta est.
Quibus de rebus et Ennius et Vergilius poetae carmina heroica illustrissima conscripserunt.