Gapura:Amérika Lor

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Gapura AmérikaLor

Sugeng Rawuh ing Gapura Amérika Lor Wikipedia

sunting

{{{title}}}

Amérika Lor kuwi bawana ing welahan bumi bagéyan lor. Sisih lor bawana iki kawatesi déning Segara Arktik, ing sisih wètan déning Samodra Atlantik Lor, ing sisih kidul déning Segara Karibia, lan ing sisih kulon déning Samodra Pasifik Lor. Bawana iki nyakup wilayah kang ambané 24.500.000 km² utawa kurang luwih 4,8% saka lumahing bumi.

Wiwit Juli 2002, pedunungé kira-kira 514.600.000. Bawana iki bawana nomer telu paling gedhé miturut jembar wewengkoné, sawisé Asia lan Afrika, lan nomer papat miturut cacahing pedunung sawisé Asia, Afrika, lan Eropah. Amérika Lor lan Kidul diwènèhi jeneng miturut Amerigo Vespucci, yakuwi wong Eropah kapisan kang nglontaraké gagasan yèn Amérika ora padha karo Hindia Wétan. Dhèwèkné kuwi wong Eropah kapisan kang nemokaké "Donya Kulon".

sunting

Artikel pilihan

Toronto kuwi kutha paling gedhé ing Kanada lan minangka ibukutha provinsi Ontario. Populasi Toronto watara 2.518.772 (perkiraan taun 2004); lan kang ana ing Tlatah Toronto Raya (GTA) yakuwi 5.715.386 (2004).

Pedunung Toronto diarani Torontonian. Toronto kuwi bagéan saka tlatah Golden Horseshoe Ontario, wilayah kang pedunungé akèh, watara pitung yuta. Saprotelon pedunung Kanada manggon ing tlatah kang dunungé 160 km saka Toronto, lan watara saproenem pegawéyan ing Kanada dumunung ing kéné. Asal usul pedunung Kanada yakuwi wong Britania, Irlandia, Italia, lan Tionghoa. Grup kang luwih cilik yakuwi wong Portugis, Yunani, India lan Karibia. (Tutugé...)

sunting

Gambar pilihan

Washington, District of Columbia yakuwi ibukutha Amerika Serikat. Kutha iki ora klebu negara bagéan sing endi waé, nanging minangka wilayah federal. Minangka pusat pamaréntahan negara Amerika Serikat, kutha Washington ora sekaligus dadi kutha perdagangan lan ekonomi. Tata ruangé diutamaaké kanggo kantor-kantor pamaréntah lan kegiatan para diplomat saka mancanegara.

sunting

Warta saka Amerika Lor

31 December 2007: Sara Jane Moore, kang tau nyoba mrajaya Gerald Ford, metu saka kunjara
31 December 2007: Jessica Alba ngumumaké tunangan karo Cash Warren
27 December 2007: Calon-calon Presidhèn AS kirim bélasungkawa marang keluargané Benazir Bhutto
27 December 2007: Presidhèn Bush nandhatangani UU RAPBN 2008
24 December 2007: Pianis Jazz Oscar Peterson séda ing yuswa 82

sunting

Apa wis pirsa...?

J.A. Garfield

"... yèn James Abram Garfield, presidhèn ka-20 AS, ditembak mung 131 dina sawisé mengku jabatan presidhèn? Piyambaké séda rong sasi sawisé ditémbak amarga getihé keracunan. Dokter bola-bali nggolèki pluru kang ana jroning awaké kanthi peralatan kang ora steril."
"... yèn rangka bangunan Empire State Building diwangun kanthi kacepetan rata-rata 4½ lantai saben mingguné? Wangunan iki rampung sadurungé jadwal kang wis ditemtokaké."
"... yèn siji-sijiné istana krajaan ing Amérika Sarékat dumunung ana ing Hawaii?"
"... yèn Presidhèn John Tyler kuwi presidhèn Amérika Sarékat pisanan kang difoto nalika isih mengku jabatan? John Quincy Adams, Andrew Jackson, Martin Van Buren dijupuk fotoné sawisé mudhun saka jabatané minangka presiden. Sauntara iku William Henry Harrison ora sempat difoto, amarga mengku jabatan mung sasasi, banjur séda amarga lara."