Þykkvabæjarklaustur

Úr Wikipediu, frjálsa alfræðiritinu

Þykkvabæjarklaustur er kirkjustaður í Álftaveri. Þar var stofnað munkaklaustur árið 1168 og hélst það til siðaskipta. Eysteinn Ásgrímsson var munkur þar. Stuðlabergssúla er á þeim stað sem talið er að klaustrið hafi staðið.

[breyta] Ábótar

Hér er upphafsár venjulega miðað við vígslu til ábóta en stundum gegndu menn hlutverkinu nokkuð fyrir formlega vígslu. Sumir ábótar Þykkvabæjarklausturs eru vel kunnir en um aðra eru heimildir mjög rýrar og á það sérstaklega við um 15. öldina. Ýmis ártöl eru óviss.

1. Þorlákur Þórhallsson, 1170 - 1175, síðar biskup og dýrlingur
2. Guðmundur Bjálfason, 1178 - 1197, "góðr maðr ok rjettlátr, mildr ok metnaðarlauss"
3. Jón Ljótsson, 1198 - 1224
4. Hallur Gissurarson, 1224 - 1230, sonur Gissurar Hallssonar lögsögumanns
5. Arnór Össurarson, 1232 - 1247
6. Brandur Jónsson, 1247 - 1263, mikill lærdómsmaður, þýddi m.a. Alexanders sögu, varð síðar biskup
7. Runólfur Sigmundsson, 1264 - 1306, öflugur samherji Árna Þorlákssonar í staðamálum síðari
8. Loðmundur, 1307 - 1311
9. Þorlákur Loptsson, 1314 - 1350, kemur mjög við sögu Lárentíusar Kálfssonar biskups, lenti í útistöðum við þrjá klausturbræður en meðal þeirra var Eysteinn Ásgrímsson sem orti Lilju, var talinn helgur eftir dauða sinn
10. Eyjólfur Pálsson, 1352 - 1377
11. Runólfur Magnússon, 1378 - 1403, dó í plágunni miklu
12. Jón Hallfreðarson, u.þ.b. 1415 - 1422, fórst við Vestmannaeyjar
13. Jón, um miðja 15. öld
14. Kolbeinn, um miðja 15. öld
15. Bárður, 1461 - 1492
16. Guðmundur Sveinsson, um 1500
17. Árni, fram til 1520
18. Kolgrímur Koðránsson, 1523 - u.þ.b. 1530, vinur Ögmundar Pálssonar
19. Sigurður Halldórsson, frá 1530, kemur við sögu í siðaskiptunum sem samherji Jóns Arasonar

[breyta] Heimildir

• Janus Jónsson (1980) [1887]. Um klaustrin á Íslandi. Endurprent, Reykjavík.