Timo Sarpaneva

De Wikipedio

Timo Sarpaneva esis Finlandana dizignisto. Ilu naskis en Helsinki 31 di oktobro 1926 e mortis 6 di oktobro 2006. Sarpaneva esas internacionale valorata fasonisto e profesoro. Il esas konocata maxim bone pro sua fasonado industriala.

Sarpaneva divenis grafikisto de Art-industriala lerneyo ye 1948 e pos lo ilu laboris en Iittala-glasiferio kom chefa artisto. Lua unesma glaso-vari produktesis ye 1952 por marketo. Internacionale ilu divenis konocata ganante Granda Prico en Milanoala Trienalo ye 1954 pro lua kolekto di glaso-vari e ye 1957 pro l’ arkitekturo expozala e pro lua artala ed omnadiala glaso-vari.

L’ artala glaso-vari da Sarpaneva facinis mem dum 1950a yari. Usana jurnalo House Beautiful nomizis Orkideo dal artisto kom la maxim bela varo ye 1954.

La signo di Iittala-glasiferio naskis ye 1956. La marko esas tre simpla: dika e blanka i-litero en reda rondo. La marko esas trovebla en omna produkturo di Iittala-glasiferio. Sarpaneva uzis ruda surfaco en multa lua produkturo, en drinkajo-glasi, en Festivo-kandeliero, en botelo di Finlandia-vodko, edc.

Sarpaneva uzis anke altra materiaji, exemple texuro, ligno, plastiko, porcelano, stalo e fero. La marmito da Sarpaneva esas duranta klasikajo en la Finlandana koqueyo. La glasaro da Sarpaneva selektesis por uzo en nova oficala lojeyo di la prezidanto di Finlando ye 1992. Lua lasta 15 yari Sarpaneva kreis granda staturi artala ek glaso, quin on expozas en multa galerii.

Timo Sarpaneva esis premiario di Finlandia-medalio en 1958. Kom profesoro ilu nominizesis en 1976. En 1993 ilu esis grantita per premio dil Arto di Finlando. Ilu esis multafoye honorizita anke exter Finlando. Ilu mortis en 6 di oktobro 2006 evante 79 yari.