Minas Gerais
De Wikipedio
|
|||
Chefurbo lojanti (yaro) |
Belo Horizonte 2 375 329 (2005) |
||
Altra granda urbi | Contagem, Uberlândia | ||
Guverniestro | Aécio Neves da Cunha | ||
Surfaco | 586 528,3 km² | ||
Lojanti Lojanto-denseso |
19 237 450 (2005) 30,43/km² |
||
Oficala pagino | http://www.mg.gov.br |
Minas Gerais esas Braziliana stato qua ne havas marbordo. Lua vicina stati esas:
- en nordo, Bahia,
- en esto, Espírito Santo,
- en sud-esto, Rio de Janeiro,
- en sudo ed en sud-westo, Sao Paulo,
- en westo, jacas Mato Grosso do Sul, Goiás e la Federala Distrikto, Brasilia.
Bazala fakti pri Minas Gerais.
Indexo |
[redaktar] Historio
L'exploro di regiono komencis dum 16ma yar-cento. Ye 1693 oro esis deskovrita en montala regiono di Sabarabuçu, cirkum Carmo e Tripuí fluvii. Ye 1696 esis fondita la vilajo di Nossa Senhora do Ribeirão do Carmo qua divenis, ye 1711 la nuna urbo di Mariana.
Dum l'unesma duimo di 18ma yar-cento, Minas Gerais divenis la maxim importanta ekonomikala regiono di Brazilia. Ye 1720 ol esis administrale separita de São Paulo.
Ye 1750 la producajo di oro falis e l'augmento di imposti provokis un projekto di revolto konocita kom Inconfidência Mineira.
Kun la Braziliana nedependeso ye 1822 la regiono divenis provinco di la imperio. Kun la republiko, ol divenis stato.
[redaktar] Geografio
La totala surfaco di Minas Gerais esas simila ad Francia: 586 528,3 km². Ol esas la 4ma plu granda Braziliana stato en totala areo. Lua totala lojanti esas 19 237 450 (ye 2005), ke reprezentas 10,5% di totala Braziliana lojanti (Minas Gerais esas la 2ma mai granda stato en totala lojanti).
En Minas Gerais komencas Sao Francisco, la maxim extensa fluvio tote en Brazilia. Ol esas 3 150 km longa.
[redaktar] Ekonomio
Minas Gerais havas granda producajo di lakto e karno di boviari, kafeo, soyo ed altra agrokultivala produkti, ed anke minerali (specale fero). La stato anke hava importanta industrii (stalo, elektronikala equipadi, alimenti, drinkaji, stofi, automobili), ed esas sideyo di la fabriko di automobili Fiat en Brazilia.
[redaktar] Turismo
Turismo esas altra importanta ekonomikala aktiveso en Minas Gerais. Lua precipua turistala loki esas:
- Historiala urbi: Ouro Preto, Sabará, Mariana, Tiradentes, Diamantina e Congonhas do Campo, kun lua kirki, domi ed altra edifici de koloniala periodo
- Balno-loki e fonteni di minerala aquo: Araxá, Poços de Caldas, Lambari, Caxambu, São Lourenço
- Loki por ekologiala turismo: Naciona Parko di Caparaó, Naciona Parko di Serra do Cipó, Estrada Real ("Rejala Voyo"), ed altra.
[redaktar] Cetera aferi
Stati di Brazilia | |
---|---|
Acre | Alagoas | Amapá | Amazonas | Bahia | Ceará | Espírito Santo | Goiás | Maranhão | Mato Grosso | Mato Grosso do Sul | Minas Gerais | Pará | Paraíba | Paraná | Pernambuco | Piauí | Rio de Janeiro | Rio Grande do Norte | Rio Grande do Sul | Rondonia | Roraima | Santa Catarina | São Paulo | Sergipe | Tocantins |
|
Federala Distrikto: Brasilia |