FAS-filio
De Wikipedio
FAS (Angle: Fetal Alcohol Syndrome) esas la traumato, quo efektigesas al embrio pro l' alkohol-uzo da la matro. FAE (Angle: Fetal Alcohol Effect) esas la plu benigna formo di la traumato. La FAS-filii naskas 0,5–3 po mil filii en diferenta populi.
Simptomi esas:
- tardega kresko, mem dum la gravideso e pos la nasko.
- detrimento en la nervo-sistemo centrala, qui desfaciligas la lernado, motoriko e koncentro-habileso. Li duktas anke a konduto-detrimento.
La FAS-filio havas mikra kapo ed okuli. La palpebri esas mikra e streta. La supera labio esas glata e la disto inter la labio e la nazo esas longa. La vangala osti esas basa e la mandibulo esas mikra. La mikra-kapeso e la graveso di la traumato korelatas, ma la normala vizajo ne signifikas, ke ula lerno-desfacileso e konduto-problemi ne naskas pose.
L' alkohol-uzo gravideso-tempala di la matro esas la maxim severa kauzo di la developo-tempala e l' embriala traumato di la bebei en industriala landi. L' experti ne povas anuncar, quala quanto esas ne-domajanta a la gravida muliero. Pro to esus maxim bona tote ne uzar alkoholo dum la gravideso.
