Chinua Achebe
Nke enwetere na Wikipedia ndi Igbo.
Chinụa Achebe bụ onye Igbo. Ọ bụ ya dere akwụkwọ a na-akpọ Things Fall Apart. E si n'akwụkwọ ahụ mara aha ya nke ukwuu n'ụwa niile.
A mụrụ Chinụa Achebe n'ụbọchị nke iri na isii n'ọnwa Novemba n'afọ 1930 n'obodo Ogidi nke dị n'ala Naịjiria. Aha a gụrụ ya bụ Albert Chinụalụmọgụ Achebe. Ọ gara ụlọakwụkwọ nta nke ndị uka, gakwaa Government College n'Umuahia. O mechara gakwaa mahadum nke Ibadan University of Ibadan, ebe ọ gụrụ asusu bekee (English) site n'afọ 1948 ruo afọ 1953. Ka ọ gụchara akwụkwọ nke mahadum, ọ rụtụkwara ọrụ n'ụlọakwụkwọ dị iche iche nakwa n'ọlụọrụ mgbasa ozi. Site na 1958 ruo 1966, Chinụa Achebe bụ onye nhazi na-ahụ maka African Writers Series.
Mgbe Achebe dere Things Fall Apart, akwụkwo ahu rere nke ukwuu, 10 million (mkpụrụ nde iri). A tụgharịkwaala akwụkwụ a n'olu asụsụ iri ise.
Chinụa Achebe rụkwara ọrụ onye diplomat n'ọchịchị nke Biafra site na 1967. Mana site na 1967 ruo 1981, ọ kụzikwara na mahadum dị iche iche n'ala Naijiria, ma bụrụkwa onye nhazi maka akwụkwọ edemede nke a na-akpọ Okike. N'afọ 1981, Chinụa Achebe sokwa na ndị bidoro Otu Ndi Odee Nke Naijiria, nke a na-akpọ Association of Nigerian Authors. Ọ rụkwara ọrụ onye isi were ruo 1986.
A bịa n'etiti Ndị Nka, yaa bụ ndị na-ede edemede nke Modern African Literature, ihe a na-akpọ Chinụa Achebe bụ Nna. N'afọ 2002 ka e nyere ya Peace Prize nke German Book Trade. A makwa Chinua Achebe dị ka onye na-enweghi onye e ji atụnyere ya maka ịmalite edemede n'asụsụ bekee' n'akụkụ ọdịda anyanwụ n'ala Afrịka.
[edit] Ihe Ndị O Dere
Novels
- Things Fall Apart, 1958
- No Longer at Ease, 1960
- Arrow of God, 1964
- A Man of the People, 1966
- Chike and the River, 1966
- Anthills of the Savannah, 1988
Short Stories
- The Sacrificial Egg and Other Stories, 1962
- Girls at War and Other Stories, 1973
- African Short Stories (editor, with C.L. Innes), 1985
- Heinemann Book of Contemporary African Short Stories (editor, with C.L. Innes), 1992
- Civil Peace
Poetry
- Beware, Soul-Brother, and Other Poems, 1971 published in the US as *Christmas at Biafra, and Other Poems, 1973
- Don't let him die: An anthology of memorial poems for Christopher Okigbo (editor, with Dubem Okafor), 1978
- Another Africa, 1998
- Collected Poems, 2004
- Refugee Mother And Child
Essays, Criticism and Political Commentary
- The Novelist as Teacher, 1965
- An Image of Africa: Racism in Conrad's "Heart of Darkness", 1975
- Morning Yet on Creation Day, 1975
- The Trouble With Nigeria, 1984
- Hopes and Impediments, 1988
- Home and Exile, 2000
Children's Books
- Dead Men's Path, 1972
- How the Leopard Got His Claws (with John Iroaganachi), 1972
- Marriage Is A Private Affair
- The Flute, 1975
- The Drum, 1978
