Valenciano
De Wikipedia, le encyclopedia libere
Le valenciano es el idioma que es parlate in le Communitate Valencian. Le lingua non es del toto tanto dominante como in Catalonia. Post que es un lingua official in iste region, tote le nomines del stratas e tote le signos de traffico es in valenciano (e in espaniol). Totes ha le derecto de servir se del lingua in contextos official: radio, television, contacto con autoritates, magazines etc. Le lingua ha grande importantia in Valencia, ma quanto plus verso le sud in le region, tanto minus on audi le valenciano in le stratas.
Secundo le ultime inquesta facite per le Generalitat Valenciana in junio de 2005, le lingua es comprendite per quasi 94% del population valencian, quasi 78% es capabile de parlar e leger lo, e circa 50% poterea scriber in illo.
[modificar] Question linguistic
Existe consenso inter linguistas que valenciano es le nomine pro le lingua catalan que es parlate in le Communitate Valencian. Le parola refere equalmente al dialecto de iste territorio, differentiante lo del lingua catalan integre, o del "catalano de Barcelona" (le gruppo de variantes central-catalan). In iste senso illo pote esser considerate como un dialecto del variante occidental.
Le valenciano es plus similar al espaniol que al catalano, e misce sovente parolas del catalano e del espaniol in le mesme phrase. Le question si le valenciano debe esser considerate como un lingua proprie es controversial in Espania; le opiniones differe. Le facto es que le catalano (de Barcelona) pote esser difficile a comprender pro uno de Valencia (isto concerne naturalmente le lingua parlate), ma alteres assere que illes comprende perefectemente. Isto es clarmente un question de identitate pro multes de Valencia, un question de independentia del Catalonia ric.
Un gruppo de linguistas, pro le major parte membros del Acadèmia Valenciana de la Llengua, proponeva recentemente a facer referer iste nomine equalmente al lingua como integritate, includente tote le area catalonophone, como synonymo. Iste concepto politico-linguistic non es nove; le lingua espaniol es equalmente appellate castiliano.
