Septuaginta

De Wikipedia, le encyclopedia libere

SEPTUAGINTA (n) [sep-tu-a-gín-ta]

---

In latino, septuaginta ("septanta") o LXX in numerales latin, es le nomine date al prime traduction grec del Vetere Testamento e de multe apocryphos. Illo es etiam cognoscite como Biblia del Septanta (o anque Biblia del LXX), Biblia Alexandrina. Un legenda judaic (Littera de Aristea) conta que le traduction esseva facite in exactemente le mesme maniera per septanta eruditos judee del diaspora. In realitate, le Vetere Testamento esseva traducite in greco gradualmente durante le 3^e e 2^e seculos a.C. per plure traductores, a comenciar ab le Pentateucho, pro render accessibile le Biblia al judeos del diaspora particularmente in Egypto in le lingua que esseva familiar a illes. Iste operation comportava plure modificationes e alterationes de senso in comparation con le texto hebree.

In le Ecclesia antique, le texto del LXX representava le forma le plus autorisate del Vetere Testamento. Illo es fundamental pro comprender le Christianismo e le cultura occidental mesme.

Illo es le principal version grec per su antiquitate e autorite. Su redaction se iniciava in le seculo III aEC. (anno 250 aEC) e se concludeva al final del seculo 2 aEC (anno 150 aEC).

Le nomine de Septanta se debe a que le tradition judee, transmittite in le Epistola de Aristeas, attribue su traduction a 72 sagios judee (sex de cata tribu) en 72 dies.

Illo se denomina etiam Alexandrina per haber essite facite in Alexandria e esser usate per le judeos de lingua grec in vice del texto in hebreo.