Safari (navigator del web)
De Wikipedia, le encyclopedia libere
Safari (version 3.0.3b o plus recente) es un navigator del web pro le systema de operation Mac OS X (version 10.4.10 o plus recente) del compania Apple Computer, que face computatores del typo Macintosh. Safari es considerate per Apple como le navigator standard pro iste systemas.
Le motor de rendition (le systema que traduce le codices de hypertexto como HTML in forma visual e monstra le resultato in le schermo) ha essite adaptate per Apple ex Konqueror, un navigator del web libere pro systemas de operation del typo Unix. Isto es appellate WebCore per Apple. WebCore es liberemente utilisabile per alteres qui vole incorporar rendition de HTML in lor programmas.
Super iste fundation, Apple ha construite un belle e consistente interfacie de usator proprietari. Assi, Safari combina in se componentes libere e non-libere. Post le lanceamento, Safari ha rapidemente devenite le navigator plus popular pro systemas Macintosh.
Le navigator ha essite nominate Safari proque le nomines-codice del versiones diverse de Mac OS X, como Panther e Jaguar, es le nomines de animales que vive in Africa oriental.
