Edgar de Wahl
De Wikipedia, le encyclopedia libere
Edgar de Wahl, le creator de Occidental/Interlingue, nasceva in Olwiopol, Russia (hodie Pervomaysk, Ukraina) le 11 de augusto, 1867 (secundo le calendario julian). Ille studiava in Sancte Petersburg, e travaliava le major parte de su vita professional in le citate estonian Tallinn (anque cognoscite como Reval).
Primo un adepto de Volapük, de Wahl plus tarde esseva un del prime usatores de Esperanto, e dava consilios a Zamenhof concernente alicun punctos de grammatica e vocabulario del nove lingua. Ille renunciava iste lingua post plure annos e durante le decennios sequente laborava super le question del forma ideal de un lingua auxiliar international.
In 1922 ille publicava un "clave" a un nove lingua, Occidental, e le prime numero de un periodico titulate Kosmoglott (plus tarde Cosmoglotta), scribite toto in iste lingua. In le annos sequente, de Wahl participava in le discussion concernente Occidental, ma lassava le lingua evolver se secundo le recommendationes de su usatores. Post le comenciamento del Secunde Guerra Mundial in 1939, ille habeva un contacto solmente intermittente con le movimento occidentalista, a ille tempore centralisate in Suissa. Ille viveva le ultime annos de su vita in un sanatorio in Estonia e moriva in 1948.
(Le nomine de Occidental esseva cambiate a Interlingue in 1949.)
[modificar] Articulos
- Edgar_de_Wahl/Evolution_duo_principios_duo_directiones
