Wikipedia:Donationes

De Wikipedia, le encyclopedia libere

Imagina un mundo in que omne persona ha accesso libere
al totalitate del cognoscentia human. Ecce nostre aspiration.

E nos besonia vostre adjuta.

Adjuta a meliorar le mundo con cognoscentia libere!

Nostre organisation sin scopo lucrative Wikimedia Foundation Inc. ha le objectivo de fornir cognoscentia libere a omne persona in le mundo. Attingente iste objectivo per le administration, disveloppamento e distribution de contento libere, Wikimedia depende de donationes public pro gerer su projectos a base de wiki.

Wikimedia forni ressources computatorial e retiari pro crear e distribuer multe obras de referentia includente Wikipedia, Wiktionary, Wikiquote, Wikibooks, Wikinews, Wikisource e le Wikimedia Commons. Le contento de iste projectos es fornite al publico gratuitemente.

[modificar] Como vostre donation adjutara

Tote nostre sitos es libere de publicitate commercial. Le visitatores non debe pagar pro editar, leger o usar nostre contento. Nos depende integremente de donationes pro fundar nostre projectos. Nostre enorme crescimento in traffico e contento require frequente additiones a nostre hardware pro preventar le interruptiones de servicio sin sacrificio de functionalitate. Altere expensas include le costos de traffico retiari, spatio in un centro de colocation, compra del nomines de dominio de Wikimedia, patrocination de cargas specific de disveloppamento de software, e, de tempore a tempore, le expensas de viage.

Vide Budget/2005 pro nostre recente budget, con detalios de como le moneta es expendite, e meta:Wikimedia servers/hardware orders pro detalios del hardware que nos ha commandate post nostre ultime campania pro donationes.

Le Fundation Wikimedia etiam require fundos pro continuar su rolo pioner in explorar le campo de crear contento in collaboration. In addition, nos sollicita subventiones pro fundar le impacchettage e distribution de contento Wikimedia a locos sin accesso a Internet. Cata donation pote facer un grande differentia. Si vos ha questiones concernente le donationes o le Fundation Wikimedia, per favor contacta nos.