Clon
De Wikipedia, le encyclopedia libere
[modificar] Biologia
In le biologia, un clon es un organismo multicellular geneticamente identic a un altere organismo vive. Clones que occurre naturalmente es normalmente appellate geminos. Vide clonage pro un description del processo de producer clones artificialmente.
[modificar] Informatica
In le informatica, le termino clon ha essite prestate del biologia in le significato de un systema computatorial designate pro haber un functionalitate equivalente a le de un altere systema e pro esser compatibile con illo, a fin que software designate pro le original pote esser executate in le clon sin modification o con adaptation minimal (p.ex. per recompilation). Existe clones e de hardware e de software.
Le termino acquireva iste significato post 1981 quando IBM comenciava a producer su computatores personal (PC) que rapidemente deveniva popular. Altere companias produceva via retro-ingenieria legal, basate super le documentation publicate per IBM, computatores con functionamento equivalente que poteva executar le majoritate del programmas designate pro le original. Iste clones dominava finalmente le mercato tanto que le termino clon del PC cadeva in disuso durante le annos 1990; hodie, le termino PC refere quasi sempre a un clon del PC original.
In addition existe multe clones de software, specialmente systemas de operation. Systemas de software es sovente clonate pro evitar terminos de licentia considerate como draconic que le publicator impone super le original (tal clones es sovente software libere); alteres es facite simplemente pro satisfacer le curiositate del programmator. Multe clones existe del systema de operation Unix, del quales GNU/Linux es le plus popular.
[modificar] Etymologia
Le parola clon proveni del lingua grec in que illo significa branchetta.
