IPhone

Վիքիփեդիայից՝ ազատ հանրագիտարանից

iPhone Ամերիկյան Apple ընկերության կողմից ստեղծված կոմմունիկատոր է։ Այն իր մեջ ներառնում է միանգամից 3 բան՝ բջջային հեռախոս, գրպանի համակարգիչ և լայնէկրան աուդիոնվագարկիչ։ Արտաքինից այն շատ նման է սովորական iPod-ի. Իրանի հաստությունը 11.6 մմ է, իսկ էկրանի անկյունաչափը՝ 3.5 դյույմ։ Էկրանը սենսորային է, այդ պատճառով iPhone-ը սահմանափակվում է ընդհամենը մեկ կոճակով (ստեղնաշարը բացակայում է)։ Ղեկավարման համար անհրաժեշտություն չկա օգտագործել ինչ-որ աքսեսուարներ (օրինակ՝ ստիլուս), բավական է միայն մատների հպումը։ Պատենտավորված տեխնոլոգիան աչքի է ընկնում յուրահատուկ ճշգրտությամբ, մի քանի միաժամանակյա հպումներ ընդունելու հատկությամբ և էկրանի մակերևույթին պատահական հպումների նկատմամբ բացարձակ անտարբերությամբ։ iPhone-ն ունի ներդրված բարձրախոսներ, հարմարավետ ֆոտոալբոմ և ներդրված 2 մեգափիքսելանոց տեսախցիկ։ Զանգերի հետ ախշատելը նույնքան հարմար է, ինչքան սովորական հեռախոսների հետ։ Համակարգչի հետ տվյալները սինխրոնիզացնելուց հետո, հեշտությամբ կարելի է գտնել անհրաժեշտ հեռախոսահամարը, զանգահարել, կազմակերպել կոնֆերենցիա, ստեղծել ձայնային և տեսահաղորդագրություններ։ Նոր հեռախոսահամար ներմուծելու համար օգտագործողի տրամադրության տակ է շատ գեղեցիկ վիրտուալ թվային ստեղնաշարը։ iPhone-ը ունի GSM, EDGE, Bluetooth և Wi-Fi կապի տեսակներ։ Այն նաև հարմարեցված է ինտերնետի հետ լիարժեք աշխատելու համար։ Safari բրաուզերի շնորհիվ էկրանին ամբողջովին տեղավորվում են խոշոր ինտերնետային էջեր։ Էլեկրոնային փոստի հետ աշխատանքը նույնպես շատ հեշտացված է, սակայն մաքսիմալ ճշտությունը նույնպես մեծ ուշադրության է արժանացած։ Առաջին IPhone-ները արտադրվելու են 2007թ. հունիսի 29-ին 4 և 8 գիգաբայթ հիշողությամբ, համապատասխանաբար 500 և 600 ԱՄՆ դոլար արժողությամբ, սակայն դա միայն ԱՄՆ-ում։ Եվրոպա այն կհասնի միայն նույն թվականի վերջին։