Քրիստափոր Միքայելյան
Վիքիփեդիայից՝ ազատ հանրագիտարանից
Քրիստափոր Միքայելյան (1859-1905) հայ հասարակական-քաղաքական գործիչ, Հայ Յեղափոխական Դաշնակցության հիմնադիրներից:
Քրիստափոր Միքայելյանը ավարտել է Թիֆլիսի Ուսուցչական ինստիտուտը (1880): 1880–84-ին ուսուցչություն է արել իր ծննդավայր Վերին Ագուլիսում, ապա՝ Թիֆլիսում: 1880-ական թթ. հարել է նարոդնիկությանը: 1882–83-ին մասնակցել է ազգային– դեմոկրատական, նարոդնիկական ուղղություն ունեցող Թիֆլիսի գաղտնի խմբակի ստեղծմանը: Վերջինիս քայքայումից (1886) հետո բռնել է զուտ ազգայնական շարժման ուղին: 1890-ին Թիֆլիսում Սիմոն Զավարյանի և Ստեփան Զորյանի (Ռոստոմ) հետ հիմնադրել է դաշնակցություն կուսակցությունը, 1891-ին՝ նրա օրգան «Դրոշակ» թերթը: Գրել է «Ամբոխային տրամաբանություն» (հրտ. 1909) աշխատությունը, որտեղ պաշտպանել է ցույցերի, արշավանքների, տեռորիստական գործողությունների միջոցով Արևմտյան Հայաստանն ազատագրելու դաշնակցության ծրագիրը:
Զոհվել է 4.3.1905թ., Սոֆիայում ինքնաշեն ռումբի փորձարկման ժամանակ: