Templo expiatorio da Sagrada Familia
Na Galipedia, a wikipedia en galego.
A Sagrada Familia de Barcelona, ou máis formalmente, Templo Expiatorio da Sagrada Familia, obra non rematada do arquitecto Antoni Gaudí, sitúase no barrio do Eixample de Barcelona. Segundo datos do ano 2004, a Sagrada Familia é o monumento máis visitado de España, por riba da Alhambra e do Museo do Prado.
A Sagrada Familia é unha igrexa católica, mais non é unha catedral; a Catedral de Barcelona é a Catedral de Santa Uxía, un edificio gótico da idade media.
No ano 1882 Josep M. Bocabella adquirira uns terreos para a construción dun templo dedicado á Sagrada Familia. Os desacordos co primeiro arquitecto fixeron que Gaudí pasase a ocuparse das obras, cun novo proxecto moito máis ambicioso. A obra atópase agora aínda no proceso de construción. A data prevista para o remate das obras seguindo o ritmo de hoxe é de 2065.
Nos derradeiros anos da súa vida, Gaudí, na súa meirande parte, traballaba e vivía pola Sagrada Familia, deixando moitos planos, proxectos e esbozos na hora da súa morte.
As obras que actualmente faltan por rematar respectan o proxecto orixinal de Gaudí no seu conxunto, mais non nos seus pormenores, os cales se adaptan á estética moderna e ó estilo dos artistas que os levan a termo.
[editar] Ligazóns externas
- O Templo da Sagrada Familia (En catalán, castelán e inglés)
