Sentimento
Na Galipedia, a wikipedia en galego.
O sentimento é o estado afectivo dun ser humano ou un animal que experimenta unha emoción. A psicoloxía procura analizar os compoñentes fisiolóxicos dos sentimentos ao cerebro por mor da súa importancia como condicionantes da mente.
O sentimento oponse á razón e está próximo ao instinto, aparece asociado co corazón. É sempre un estado subxectivo que se pode manifestar ou non cara ao exterior.
Os sentimentos máis usuais e comúns nas diferentes culturas son: o amor, o medo, o odio, a alegría, a pena, a culpabilidade, a envexa ou a sorpresa.