Referendo escocés

Na Galipedia, a wikipedia en galego.

Para ver información sobre consultas anteriores, ver referendo escocés de 1979

O Referendo escocés foi unha consulta popular que se lle fixo á cidadanía escocesa o 11 de setembro de 1997 sobre o que se coñeceu como a devolución do parlamento, isto é, a creación dunha cámara lexislativa propia. O resultado foi afirmativo.

Índice 1 Preguntas 2 Posicionamentos 3 Resultados 3.1 Primeira pregunta: a cámara 3.2 Segunda pregunta: os impostos 4 Resposta do goberno

[editar] Preguntas

O referendo escocés de 1997 era un referendo prelexislativo que tivo lugar unicamente en Escocia. O referendo foi establecido polo goberno laborista de Tony Blair, que acababa de gañar as eleccións. Era a segunda consulta que se celebraba no territorio escocés sobre a cuestión da reinstauración dun parlamento autónomo con sede en Edimburgo, despois da frustrada de 1979.

Aos escoceses e escocesas preguntóuselle daquela por dúas cuestións:

1. Está vostede de acordo en que exista un Parlamento escocés?
2. Está vostede de acordo en que ese parlamento teña capacidade para variar os impostos?

[editar] Posicionamentos

• O Partido Laborista, o Partido Nacional Escocés, o Partido Liberal-Demócrata e o Partido Verde de Escocia apoiaban o dobre si.
• O Partido Conservador apoiaba o dobre non.

[editar] Resultados

O resultado foi afirmativo para as dúas preguntas.

[editar] Primeira pregunta: a cámara

Si	Si (%)	Non	Non (%)	Participación (%)
1,775,045	74.3	614,400	25.7	60.4

[editar] Segunda pregunta: os impostos

Si	Si (%)	Non	Non (%)	Participación (%)
1,512,889	63.5	870,263	36.5	60.4

[editar] Resposta do goberno

Estes resultados supuñan un claro apoio á restauración da cámara lexislativa en Escocia. Ora ben, con estes mesmos resultados non se obtería tampouco o respaldo que esixía a primeira das consultas, que necesitaba un 50% sobre o electorado, e non sobre o voto emitido. Aínda así, os resultados foron moito máis amplos ca en 1979.

Como consecuencia desta resposta popular, o parlamento británico aprobou a Lei de Escocia de 1998, pola que se creaba un parlamento escocés e un goberno escocés.