Quefir
Na Galipedia, a wikipedia en galego.
O quefir, búlgaros ou iogur dos paxariños é un produto lácteo fermentado orixinario da rexión do Cáucaso. Tamén reciben este nome os gránulos empregados para a súa elaboración.
Elabórase tradicionalmente a partir de leite de egua (aínda que se comercialice o elaborado a partir doutras especies, como vaca ou cabra). Presenta un sabor característico debido á presenza de alcohol (ó redor do 1%).
O quefir ten un aspecto semellante á coliflor aínda que máis brando. Trátase dunha combinación de bacterias probióticas e levaduras nunha matriz de proteínas, lípidos e azucres. O Lactobacillus acidophilus é a bacteria e Saccharomyces kefir a levadura (fungo unicelular) máis habituais no quefir, aínda que varían segundo as rexións e culturas.
Existen tres tipos de quefir: o quefir de leite, o quefir de auga e o quefir de té ou Kombucha.
[editar] Véxase tamén
- kumis
- iogur
- produtos lácteos