Quagga
Na Galipedia, a wikipedia en galego.
Quagga | ||||||||||||||
---|---|---|---|---|---|---|---|---|---|---|---|---|---|---|
Estado de conservación | ||||||||||||||
|
||||||||||||||
Clasificación científica | ||||||||||||||
|
||||||||||||||
Nome científico | ||||||||||||||
Equus Quagga Quagga | ||||||||||||||
Coñeza toda a Bioloxía en Wikispecies, o directorio dos seres vivos |
O Quagga (Equus quagga quagga) é unha subespecie de cebra de planicie (Equus quagga) extinta. Ó contrario que as subespecies hoxe existentes, o quagga era unha cebra de peluxe pardo-avermellado non raiado no lombo e cuartos traseiros, e salpicado de raias negras na cara, pescozo, costados e críns. O bandullo e as patas eran enteiramente brancas. Estas diferenzas tan grandes en canto a coloración conduciron a que fora descrita inicialmente (1788) como unha especie aparte.
Os quaggas formaban manadas na zona surleste da actual Sudáfrica, sendo especialmente abundantes na provincia d'O Cabo. O seu nome procede da lingua dos Khoi (Hotentotes) e ten unha orixe onomatopéico: é unha adaptación do ruido característico do propio quagga.
Os quaggas foron cazados desde a chegada dos primeiros colonos holandeses pola súa carne e a súa pel. A mediados do século XIX, a colonización do interior ocasionada polo éxodo dos bóers descontentos coa soberanía inglesa sobre a colonia conduciu á matanza de milleiros de cabezas dentro dun plan xeral de exterminio de animais salvaxes na zona. Esta política tiña como obxectivo o destinar as terras de pasto das grandes manadas ó gando doméstico. A poboación destes animais en liberdade descendeu drasticamente, até o punto de que a especie xa se extinguira en Sudáfrica para 1870. O 12 de agosto de 1883 morreu o último quagga que vivía en cautividade no zoo de Amsterdam, extinguindose definitivamente a subespecie.
O quagga é o único animal extinto cuxo ADN ten sido extraído, secuenciado e estudado na súa totalidade. Grazas a isto, os laboratorios da Smithsonian Institution de Washington D.C. puideron probar finalmente e sen asomo de dúbida que o quagga era unha subespecie da cebra de planicie, que se definiu como raza entre 120000 e 290000 anos atrás.
A disponibilidade de ADN en perfectas condicións fai posible a teórica resurrección do quagga por medio da clonación. Porén, non se ten realizado ningún experimento neste sentido, pero sí a formación de "novos" quaggas a partir de cebras de planicie do Parque Nacional Etosha de Namibia mediante un proceso de cría selectiva que potencie as cualidades máis afíns ó extinto quagga en cada xeración. O chamado Proxecto Quagga comezou a traballar neste sentido en 1987 con nove cebras procedentes de Etosha, elexidas entre 205 candidatas. O proxecto está en marcha dende entón en Vrolijkheid, preto de Robertson, Sudáfrica.