Orquestra Sinfónica de Galicia
Na Galipedia, a wikipedia en galego.
A Orquestra Sinfónica de Galicia (OSG) foi creada en 1992 polo Concello da Coruña, cidade en cuxo Pazo da Ópera ten a súa sede. É unha das agrupacións orquestrais de maior proxección de España. O seu director é Víctor Pablo Pérez, e foi orquestra residente do Festival Rossini de Pésaro dende 2003 até 2005 e do Festival Mozart da Coruña dende que se creou en 1998.
Levou a cabo xiras por Alemaña e Austria, e ofreceu concertos nas mellores salas e ciclos de concertos de España.
Na súa discografía para selos coma EMI, Koch, Naïve, BMG e Arts figuran nomes coma os de Peter Maag, Antonio Meneses, Manuel Barrueco, María Bayo, Plácido Domingo, Juan Pons ou Ewa Podles entre outros.
A Orquestra Sinfónica de Galicia creou, á súa vez, o Coro da OSG, a Orquestra de Cámara, a Orquestra Nova, a Escola de Práctica Orquestral, os Nenos Cantores da OSG e o Coro Novo da OSG.
[editar] Véxase tamén
[editar] Ligazóns externas
- www.sinfonicadegalicia.com Páxina web da orquestra
- www.festivalmozart.com Páxina web do Festival Mozart