Mr. Bungle

Na Galipedia, a wikipedia en galego.

Mr. Bungle
{{{caption}}}
Información
Orixe	Eureka
País	California
Período	1985-2003
Xénero(s)	varios
Selo(s) discográfico(s)	Warner Bros. Records Slash Records
Membros	Mike Patton, Trey Spruance, Trevor Dunn, Danny Heifetz, Clinton Mckinnon
Antigos membros
Web oficial	páxina sobre o grupo

Mr. Bungle foi un grupo musical norteamericano formado en 1985 en Eureka, California, con Mike Patton como vocalista. Nos seus comezos integrou estilos musicais como o rock, heavy metal, funk ou jazz, resultando algo similar ó funk metal. Nos seus traballos posteriores integraron estilos como o ska, swing ou pop entre otros estilos. A banda disolveuse en 2003.

[editar] Historia

Os seus integrantes fundadores foron Trevor Dunn no baixo, Mike Patton á voz, Trey Spruance na guitarra e Jed Watts na batería. A banda tomou o nome dun paiaso traveso que mostraba ós nenos as cousas que non se debían facer no programa "The Pee Wee Herman Show".

A súa primeira maqueta foi The Raging Wrath of the Easter Bunny (1986), gravada con moi baixa calidade e cun pronunciado estilo death metal, que incorporaba novedosamente bongós, saxofóns e outros instrumentos exóticos.

No 1987 o grupo difundiu copias en formato cassette da súa seguinte maqueta, Bowel of Chiley, entre as emisoras de radio locais. Copias desta produción foron reproducidas e vendidas sen o permiso da banda co nome erróneo de Bowl of Chile, no 1991 en cassette e en 1997 xa en formato CD, convertíndose nunha das rarezas máis preciadas. O estilo desta produción é moi diferente da maqueta inicial, mesturando sonidos do ska, o swing ou o funk. Por entón o batería Jed Watts foi remplazado por Hans Wagner, entrando ademais os músicos Scott Fritz e Theo Lengyel como trompetistas.

En 1988 Fritz abandonou ó grupo, integrándose Luke Miller. Lanzaron Goddammit I Love America!, cun son moi similar ó seu anterior traballo (e descrito por eles mesmos como un plaxio a Fishbone) pero cun son máis sólido. Dous dos temas deste álbum foron posteriormente publicados coa súa primeira gran produción discográfica.

En 1989 editaron a súa última maqueta, OU818, con Danny Heifetz na batería e Clinton "Bär" McKinnon no saxofón. Contiña cancións de maquetas anteriores, e case a mitade dos temas chegaron a estar presentes no seu primeiro gran lanzamento.

Por estas datas xa estaban consolidados como unha ds bandas con máis seguidores do norte de California, e o seu vocalista Mike Patton fora contratado polo grupo Faith No More. Non tardou en chegar un contrato co selo Warner Bros Records. O seu primeiro álbum, producido por John Zorn e titulado Mr.Bungle, foi lanzado o 13 de agosto de 1991. A crítica describiu o seu son como "funk metal", e tivo boas ventas, que os levaron a realizar unha exitosa xira de promoción polos Estados Unidos.

Moitos proxectos paralelos e retrasos no deseño contribuíron ó parón de catro anos entre o lanzamento do primeiro disco e o seguinte, Disco Volante, que vería a luz en outubro de 1995. Contiña só temas novos, e collía elementos de estilos como o jazz, techno, tango, ou death metal. Deron concertos por norteamérica, Europa e mesmo Australia, coa colaboración do percusionista William Winant.

O seu último disco, California, saíu ó mercado o 13 de xullo de 1999. Theo Lengyel non aparece nel, nin tampouco o fixo nos seguintes proxectos de Mr. Bungle, segundo os representantes por diferencias creativas. Se ben a xira prevista de presentación do disco tivo complicacións por conflictos coa distribuidora, ó ano seguinte deron concertos polos Estados Unidos, Europa e Australia de novo, ó mesmo tempo que seguiron coa composición de novos temas.