Mary Leakey
Na Galipedia, a wikipedia en galego.
Mary Leakey (Mary Douglas Nicol de solteira) (6 de febreiro de 1913 – 9 de decembro de 1996) foi unha antropóloga británica que, xunto con outros investigadores, descubriu na illa de Rusinga, o primeiro resto fósil, un cranio, dun antepasado do simio (un exemplar de Procónsul, extinguido no Mioceno).
Filla dun pintor paisaxista, pasou a súa mocidade en Francia, en 1926 voltou a Londres e en 1930 realizou un curso universitario de arqueoloxía e xeoloxía. Coñeceu a Louis Leakey en 1933 en Cambridge, e casou con el en 1936. Traballou en colaboración co seu home na garganta de Olduvai grande parte da súa carreira, descubrindo ferramentas e fósiles de antigos homínidos. Famosa tamén por descubrir en 1978 as pegadas de dous Australopithecus afarensis, fosilizadas en Laetoli, Tanzania. O seu fillo, Richard Leakey, é igualmente un paleontologo brillante.
