Karlos Arguiñano
Na Galipedia, a wikipedia en galego.
Karlos Arguiñano Urkiola, (Beasáin, 6 de decembro de 1948) cociñeiro, aínda que tamén desenvolveu actividades interpretativas e empresariais. É moi popular en España dende que apareceu en TVE nun programa de cociña.
Índice |
[editar] Biografía
Aínda que naceu en Beasáin (Guipúscoa), o 6 de decembro de 1948, residiu dende mozo e reside actualmente en Zarautz (tamén en Guipúscoa). Alí ten o seu hotel restaurante.
Cursou estudios primarios nos Agustinos de Lazcano (Guipúscoa), posteriormente estudios de mestría industrial, traballou na fábrica de trenes de Beasáin como chapista. (CAF). Xa con 17 anos decidiu apuntarse á Escola de Hostelería de Hotel Euromar en Zarautz dirixido por Luis Irizar.
En 1978 crea un Hotel Restaurante en Zarauz, sito nun castelo construido en pedra rústica que constitúe unha auténtica xoia arquitectónica. En 1996 inaugurou tamén en Zarauz a Academia de Cocina Aiala.
Dende 2005 realiza un programa de cociña en Telecinco xunto a Juan María Arzak. Escribiu varios libros orientados á cociña fácil.
A súa empresa, Bainet, é responsable tanto do seu programa de televisión como dos seus libros de cociña. Publica tamén libros de Arzak, Eva Arguiñano (irmá de Karlos) e Mikel Corcuera, entre outros. Bainet é ademáis socio do GAMP (Grupo Audiovisual de Medios de Producción), consorcio propietario de laSexta. Nesta cadea produce Hoy cocinas tú, presentado por Eva Arguiñano, e "Un país de chiste", con Óscar Terol.
Karlos Arguiñano promocionou a cociña en xeral e a española en particular por diferentes países: Estados Unidos, Arxentina, México, Suecia, Italia, Suiza, Alemaña, Francia... Impartiu clases de cocia, cursos, participado en Xurados Gastronómicos, conferencias, mesas redondas ou charlas.
Participou en varios filmes como Airbag de Juanma Bajo Ulloa (1997), Año mariano de Karra Elejalde e Fernando Guillén Cuervo (2000) e El rey de la granja de Carlos Zabala e Gregorio Muro (2002).
[editar] Filmografía
| Ano | Filme | Director |
|---|---|---|
| 2002 | El rey de la granja | Carlos Zabala e Gregorio Muro |
| 2000 | Año mariano | Karra Elejalde e Fernando Guillén Cuervo |
| 1997 | Airbag | Juanma Bajo Ulloa |
