Julian Barnes

Na Galipedia, a wikipedia en galego.

Julian Patrick Barnes (Leicester, Inglaterra, 19 de xaneiro de 1946) é un escritor contemporáneo inglés. As súas novelas e relatos foron vistos como exemplos de literatura posmoderna. Foi tres veces finalista do Premio Booker con Flaubert's Parrot (1984), England, England (1998), e Arthur & George (2005), esta última traducida para o galego por Rinoceronte Editora. É autor de novela policial baixo o pseudónimo de Dan Kavanagh.

Índice 1 Vida 2 Obras 3 Obras baixo o pseudónimo de Dan Kavanagh 4 Ligazóns externas

[editar] Vida

Despois de estudar na City of London School e no Magdalen College de Oxford, traballou como lexicógrafo para o OED, o Oxford English Dictionary. Con posterioridade, traballou como editor literario e crítico de cine.

Vive coa súa muller nas aforas de Londres, onde agora se dedica a escribir a tempo completo. O seu irmán, Jonathan Barnes é un filósofo especializado en filosofía antiga.

A súa axente literaria é Pat Kavanagh, que tamén fixo durante certo tempo de axente do seu amigo de outrora Martin Amis.

[editar] Obras

A última novela publicada por Barnes, Arthur and George, saíu do prelo o 7 de xullo de 2005. A súa versión galega Arthur e George foi traducida polo escritor e xornalista de La Voz de Galicia, Xesús Fraga. Relata unha historia verídica acaecida a principios do século XX que ocuparía os titulares dos periódicos do seu tempo.

A listaxe completa de obras ofrécese a seguir. A menos que se especifique o contrario deben considerarse novelas.

• Metroland (1980)
• Before She Met Me (1982)
• Flaubert's Parrot (1984)
• Staring at the Sun (1986)
• A History of the World in 10½ Chapters (1989)
• Talking it Over (1991)
• The Porcupine (1992)
• Letters from London (1995) — (xornalismo publicado en The New Yorker)
  • Picador, London, ISBN 0-330-34116-2
• Cross Channel (1996) — (relatos breves)
• England, England (1998)
• Love, Etc. (2000)
• Something to Declare (2002) — (ensaios)
• The Pedant in the Kitchen (2003) — (xornalismo culinario)
• The Lemon Table (2004) — (relatos breves)
• Arthur & George (2005). Versión ó galego en Rinoceronte Editora

[editar] Obras baixo o pseudónimo de Dan Kavanagh

• Duffy (1980)
• Fiddle City (1981)
• Putting the Boot In (1985)
• Going to the Dogs (1987)

[editar] Ligazóns externas

• Web oficial de Julian Barnes
• Web Oficial de Dan Kavanagh
• Biografía no sitio do British Council
• A web do editor de Arthur and George
• Web de Rinoceronte Editora