Intersindical Nacional Galega
Na Galipedia, a wikipedia en galego.
A Intersindical Nacional Galega (ING) foi un sindicato nacionalista galego que se formou en marzo de 1977 da unión do Sindicato Obreiro Galego, UTEG, UTSG, UTBG e o SGTM. Francisco García Montes foi o seu secretario xeral. Celebrou o seu primeiro Congreso en outubro de 1977.
Nas primeiras eleccións sindicais de 1978 a ING convertiuse no terceiro sindicato de Galicia con 722 delegados (13'5%). En setembro de 1980 fusionouse coa Central de Traballadores Galegos, co que a finais de ano conseguiron o status de sindicato máis representativo ao obteren 1.679 delegados (17'5%, 15% era o umbral). Pasaron a denominarse Intersindical Nacional dos Traballadores Galegos (INTG) a partir de 1981.