Hieronymus Bosch
Na Galipedia, a wikipedia en galego.
Hieronymus Bosch, (latinizado Bosco; tamén Jeroen Bosch ou de nome real Jeroen van Aken) (c. 1450 – agosto de 1516) foi un prolífico pintor holandés do séculos XV e XVI. moitas das súas obras descreben o pecado e os fallos da moral humana. Bosch usaba imaxes de demos, animais semihumanos e máquinas que evocan o medo e a confusión que retratan a maldade do home. As obras súas contén un complexo, orixinal, imaxinativo e denso uso de figuras simbólicas e iconográficas, moitas das cales eran xa misteriosas e enigmáticas no seu tempo. Mantense que ten sido unha fonte de inspiración para o movemento surrealista do século XX.
O seu verdadeiro nome era Jheronimus ou Jeroen van Aken (é dicer "de Aachen"). Asinou algunhas das súas pinturas como Bosch (pronunciado Boss en holandés), abreviación do seu lugar de nacemento 's-Hertogenbosch.
Nacido nunha familia de pintores holandeses e alemáns, viviu boa parte da súa vida en 's-Hertogenbosch, cidade florecente no século XV, no Ducado de Brabante (Brabant), no Sur da actual Holanda. En 1463, arredor de 4.000 casas da cidade ficaron destruídas por un pavoroso incendio, do que Bosch, que tería uns 13 anos de idade, puido ser testemuña. Foi un pintor popular e recibiu encargos incluso do extranxeiro. En 1488 afiliouse á Irmandade da Nosa Señora, unha confraría relixiosa conservadora, que agrupaba a uns 40 individuos influíntes de 's-Hertogenbosch e uns 7.000 en toda Europa.
[editar] Obra (selección)
- O Carro de Feno - (Museo do Prado, Madrid)
- O Xardín das Delicias - (Museu do Prado, Madrid)
- O Xuízo Final - (Akademie der Bildenden Künste, Viena)
- As Tentacións de Santo Antonio - (Museo Nacional de Arte Antiga, Lisboa)
- Os Sete Pecados Mortais - (Museo do Prado, Madrid)
- Nave dos Loucos - (Museo do Louvre, París)
- A Morte e o Avarento - (National Gallery of Art, Washington, DC)
