H.C. Liceo

Na Galipedia, a wikipedia en galego.

o H.C. Liceo é un clube de hoquei a patíns de A Coruña. Unha icona dentro do hoquei galego, historicamente é o clube deportivo máis laureado de Galiza. As súas orixes debemos buscalas no ano 1972, data na que se funda o Clube Deportivo Liceo La Paz (cuxa matriz encontramos no colexio coruñés Liceo La Paz), por iniciativa dun grupo de catro persoas (entre as que sobrancea a figura de Augusto César Lendoiro). A honra de ser o seu primeiro presidente recaeu en Felipe Marcos Nieto. Na súa primeira temporada, a 1972/1973, consegue o Liceo facerse co campionato galego de Segunda División, o cal lle permite acceder á máxima categoría galega. Na seguinte campaña (1973/1974), conseguirían (lucindo xa as cores verde e branca actuais no seu iniforme) un novo ascenso, desta vez á diviíón de prata española. Nela militará ata a temporada 1978/1979, na cal conseguirá o ascenso á División de Honra (hoxe chamada O.K. Liga).

Na temporada 1980/1981 comezará a lenda liceísta, pois durante o transcurso da mesma o equipo coruñés conquistará unha Copa do Rei de hoquei e unha Copa CERS, ao cal foi unido o subcampionato na División de Honra. Precisamente conseguirá o título de Liga o Liceo no curso seguinte, o cal supuxo todo un fito, posto que se trataba do primeiro equipo non catalán que conseguía tal logro. A vitrina da escuadra coruñesa non fai máis que almacenar títulos, non só a nvel peninsular, senón tamén europeo. Na temporada 1986/1987 chegará á Coruña a primeira Copa de Europa de hoquei, acompañada na campaña pola Supercopa de Europa de hoquei e pola Copa Intercontinental de hoquei. Converteríase a escuadra herculina nunha das dominadoras (xunto con clubes como o Fútbol Club Barcelona, o Igualada ou o Porto) do hoquei europeo.

Porén, a partir da temporada 1998/1999 o equipo comezou un certo decaemento e entra nunha sequía de títulos, a cal romperá ao grande na temporada 2002/2003, na que conseguíu a Copa de Europa de hoquei na Coruña ante a súa afección. Aínda así, isto resultou un espellismo, posto que o Liceo pasou en branco as campañas 2004/2005 e 2005/2006.

[editar] Xogadores míticos

Algúns dos xogadores míticos do equipo coruñés son os seguintes: o arxentino Carlos Gil, Areces, Martinazzo, Willy Duarte, Canalda, Facundo Salinas ou Martín Payero.