Francisco Buyo
Na Galipedia, a wikipedia en galego.
| Francisco Buyo | |||
|---|---|---|---|
| Nome completo: | Francisco Buyo Sánchez | ||
| Alcume: | Paco Buyo | ||
| Data de nacemento: | 13 de xaneiro de 1958 | ||
| Lugar de nacemento: | Betanzos (A Coruña), Galicia | ||
| Data de falecemento: | |||
| Lugar de falecemento: | , | ||
| Nacionalidade: |  |
||
| Clube actual: | |||
| Posición: | Gardamallas | ||
| Altura: | 1,79 metros | ||
| Partidos internacionais: | 7 | ||
| Goles: | |||
| Ano do debut: | 1972 | ||
| Clube do debut: | Ural C.F. | ||
| Ano do retiro: | 1997 | ||
| Clube do retiro: | Real Madrid | ||
Francisco Buyo Sánchez, nado o 13 de xaneiro de 1958, é un ex-futbolista galego que xogaba como porteiro.
Índice |
[editar] Biografía
Nos seus comezos no Ural C.F., Buyo xogaba tanto de porteiro como de extremo dereito, sendo no seu único ano no combinado coruñés o máximo goleador do equipo. Ó ano seguinte fichou polo Betanzos CF, onde permaneceu ata a súa fichaxe polo Mallorca. Non tardou en fixarse nas súas cualidades como gardamallas o Deportivo de La Coruña, que entón xogaba na Segunda División, e que xa intentara facerse cos seus servizos. Esa tempada debutou como internacional sub-21, participando posteriormente nos Xogos Olímpicos de 1980 de Moscova.
Buyo permaneceu na entidade coruñesa ata 1980, cunha paréntese dunha tempada (1978-79) na que foi cedido ó Huesca mentras realizaba o servizo militar en Jaca. Na tempada 1980-81 deu o salto á Primeira División, fichando polo Sevilla, e acadando en seguida a titularidade. Militaba no equipo do hispaliense cando acadou, en 1983, a internacionalidade absoluta con España, defendendo os colores da selección no histórico partido España-Malta que daría o pase á escadra vermella para a Eurocopa de 1984, e encaixando un gol, o que probablemente lle pechou o camiño a seguir na Selección.
A súa indiscutible titularidade e bo facer no Sevilla fixeron que se fixase nel o Real Madrid, que se fixo cos seus servizos en 1986. Neste clube recibiu o alcume de "San Francisco de Betanzos", sendo o cancerbeiro titular ata 1996. En 1997 abandonou a plantilla merengue e colgou as botas.
Foi un dos porteiros máis seguros e espectaculares da Liga. Destacou especialmente en partidos como o disputado fronte á Juventus no Santiago Bernabéu na Copa de Europa de 1986-87. Xogou en total 542 partidos en Primera División, sendo o primeiro xogador en acadar a cifra de 500 partidos.
En 1998 concedéuselle a Medalla ó Mérito no Traballo. Actualmente é comentarista de partidos de fútbol para a TVE
[editar] Clubes
| Club | Ano |
|---|---|
| Ural CF | 1972-1973 |
| Betanzos CF | 1973-1975 |
| RCD Mallorca | 1975-1976 |
| Deportivo de La Coruña | 1976-1978 |
| SD Huesca | 1978-1979 |
| Deportivo de La Coruña | 1979-1980 |
| Sevilla FC | 1980-1986 |
| Real Madrid | 1986-1997 |
[editar] Títulos
[editar] Campeonatos Nacionais
| Título | Club | País | Ano |
|---|---|---|---|
| Liga Española | Real Madrid | España | 1986-87 |
| Liga Española | Real Madrid | España | 1987-88 |
| Supercopa | Real Madrid | España | 1988 |
| Liga Española | Real Madrid | España | 1988-89 |
| Copa do Rei | Real Madrid | España | 1988-89 |
| Liga Española | Real Madrid | España | 1989-90 |
| Supercopa | Real Madrid | España | 1990 |
| Copa do Rei | Real Madrid | España | 1992-93 |
| Supercopa | Real Madrid | España | 1993 |
| Liga Española | Real Madrid | España | 1994-95 |
| Liga Española | Real Madrid | España | 1996-97 |
[editar] Distincións Individuais
| Distinción | Ano |
|---|---|
| Trofeo Zamora | 1987-88 |
| Trofeo Zamora | 1991-92 |
