Fernando Cáceres

Na Galipedia, a wikipedia en galego.

Fernando Gabriel Cáceres (San Isidro, Buenos Aires, 7 de febreiro de 1969) é un futbolista arxentino, na actualidade retirado do fútbol profesional, que xogou no Celta de Vigo. A súa posición era de defensa.

Pasou por varios equipos na Primeira División Arxentina e na Liga Española na súa carreira, e tamén formou parte da selección do seu país.

[editar] Carreira

[editar] Clubes

Cáceres comezou a xogar ó fútbol como profesional no Argentinos Juniors e en 1991 foi transferido ó River Plate, onde gañou o seu primeiro título en 1991.

Despois, Cáceres marchou a España para xogar no Real Zaragoza de Víctor Fernández, onde gañou a Copa del Rey in 1994 e a Copa da UEFA en 1995.

Volveu a Arxentina por un breve período de tempo ó Boca Juniors antes de regresar de novo a España a finais de 1996 para xogar no Valencia. Alí estivo ara o final da tempada 1997-1998.

En 1998 Víctor Fernández, daquela entrenador do Celta, volveu a contar con el, que permanecería en Vigo ata 2004. Durante 6 temporadas no clube disputou un total de 218 partidos en todas as competicións, anotando cinco goles.

Despois pasou nunha breve etapa polo Córdoba, equipo da Segunda División Española.

En 2004 volveu unha vez máis a Arxentina para xogar no Independiente, entrando a formar parte do selecto grupo de xogadores que xogaron no River Plate, no Boca Juniors e no Independiente.

En 2006, volveu ó Argentinos Juniors, o clube onde comezara a súa carreira 20 anos antes.

[editar] Equipo nacional

Cáceres gañou a Copa de América sub-17 en 1985. Coa selección absoluta, conseguiu 31 Copas de Arxentina e formou parte do equipo que gañou a Copa América 1993 e a Copa do Mundo de 1994.