Bandeira de Grenlandia

Na Galipedia, a wikipedia en galego.

Flag Ratio: 2:3

A bandeira de Grenlandia foi deseñada polo nativo grenlandés Thue Christiansen. Representanse nela dúas bandas horizontais branca (enriba) e vermella, cun grande dico levemente movido a pouco do centro. A parte superior do disco é vermella, e a inferior branca. A bandeira enteira mide 12 por 18 partes; cada banda mide 6 partes; o disco é dun diámetro de oito partes, horizontalmente desviado 7 partes respecto ó centro, e centrado verticalmente.

O seu nome local en grenlandés é Erfalasorput, que significa "a nosa bandeira", pero Aappalaartoq (que significa "a vermella") é tamén empregada, tanto para a bandeira danesa como para a bandeira grenlandesa. Hoxe en día os grenlandeses colocan tanto a Erfalasorput como a Dannebrog, usualmente a carón unha da outra.

Grenland tivo a idea dunha bandeira propia por vez primeira en 1973 cando cinco grenlandeses propuxeron unha bandeira verde, azul e branca. Ó ano seguinte, un xornal solicitou once propostas de deseño (todas pero que unha fose unha cruz nórdica) e preguntoulle á xente para ver cal era a máis popular. A Dannebrog foi a preferida pola grande maioría. De pouco valeu ese esforzo.

En 1978, Dinamarca deulle o autogoberno a Grenlandia, facendo dela un membro en pleno dereito do Reino de Dinamarca. O goberno autónomo fixo unha chamada oficial para propostas de bandeiras, recibindo 555 (das cales 293 foron enviadas por grenlandeses).

Unha bandeira de cruz nórdica proposta.

O comité encargado de tomar a decisión non atopou consenso e fíxose unha nova chamada. Finalmente a actual bandeira deseñada por Christiansen gañou por unha estreta marxe a unha bandeira branca e verde coa cruz nórdica con 14 votos fronte a 11. A bandeira de Christiansen foi adoptada oficialmente o 21 de xuño de 1985.

En honor ó décimo aniversario da Erfalasorput, a Oficina de Correos de Grenlandia lanzou selos conmemorativos e un folleto do seu autor. El describiu a banda branca representando os glaciares e a capa de xeo, que cubre máis do 80% da illa; a banda vermella, o océano; o semicírculo vermello, o sol, coa súa parte de abaixo afundida no océano; e o semicírculo branco, os icebergs e placas de xeo. O deseño lembra tamén a unha posta de sol.