Martyn Bennett
As a'Wikipedia
B'e Martyn Bennett fear-ciùil ùr-ghnothach a mheasgaich ceòl Albannach tradiseanta agus modhannan as ùire.
Rugadh e an 17mh An Gearran 1971, ann an St. John's, Talamh an Eisg, Canada, na mhac an t-seinneadair Gàidhlig is eolaiche ainmeil, Mairead Bennett, as an Eilean Sgitheanach, a bh' ann am fear de na luchd-ciùl Albannach as cudromaiche beò an diugh.
An uair a bha e 6 bliadhna de dh'aois, thàinig iad ri Ceann a'Ghiusaich, Alba, far an deach a thogail a-measg beartas de dhualchas na h-Alba, an dà chuid Gaidhealach is Gallta, tha seo air buaidh mhòr a thoirt air a cheòl. Rinn e ceòl classigeach aig an RSAMD ann an Glaschu, far an do choinnich e ris a bhean, Kirsten, a'ceumnachadh ann an 1994.
Ged do rinn e ceòl classigeach mar cheum, thill e gu ceòl Albannach, a'cluich na fidhle is na pìob mòire agus thòisich e a'fillteadh seo le ceòl dannsa de leithid eile (air a bheil Rave no House). Thàinig a chiad chlàr, air ainmeachadh leis fhèin, a-mach ann an 1996. Bha seo an deagh àm, an uair a bha Runrig agus Capercallie a'fas sgìth is seann. Ach 's e an darna chlàr aige Bothy Culture a bha na chlach-mhìle ann an ceòl "tradiseanta" Albannach. A'tarraing air iomadach dhòighean is chultaran, 's e Hallaig le Somhairle MacGill-Eain a'leughadh a chuid bhàrdachd fhèin a th'anns an oran as miorbhailiche, ach tha e doirbh port lag a lorg air a'chlàr.
B'e Hardland an treasa clàr aige.
Dh'imrich e gu Muile ann an 1999 agus chùm e air a'fillteadh nan diofar dhòighean ri chèile gu ann Glen Lyon agus le Grit a thànaig a-mach ann an 2003.
Chaochail Martyn Bennett ann an Dùn Eideann air an 30mh la den Fhaoilleach 2005 as deidh tinneas fada le aillse. Dh'fhàg e a bhean chòir, Kirsten agus a mhàthair, Mairead.
