An Saighdeoir

Ón Vicipéid, an chiclipéid shaor.

an Saighdeoir
gliogáil le híomhá níos mó a fheiceáil
Ainm Laidine	Sagittarius
Ginideach Laidine	Sagittarii
Nod	Sgr
Siombalaíocht	an Boghdóir
Dronairde	19 h
Diallas	−25°
Achar	867 céim cearnach Rangú: 15ú
Líon na réaltaí (amharcmhéid < 3)	5
Réalta is gile	Kaus Australis (ε Sgr) (méid 1.9)
Dreigecheathanna
Réaltbhuíonta ar theorainn leis	an tIolar an Sciath Fear na bPéisteanna an Scairp Coróin an Deiscirt an Teileascóp an Micreascóp an Gabhar
Infheicthe sna leithid idir +55° agus −90° Sárfheicthe i rith na míosa seo: Lúnasa

Is réaltbhuíon an stoidiaca é an Saighdeoir (♐), a léirítear go coitianta mar cheinteár agus bogha á rí aige. Sagittarius an t-ainm Laidine ar an réaltbhuíon seo, a chiallaíonn boghdóir. Tá an Saighdeoir suite idir an Scairp, atá ar an taobh thiar de, agus an Gabhar, atá ar an taobh thoir de. Déanann na réaltaí is gile dá chuid pictiúr so-aitheanta de thaephota.

Tugadh ainm an tSaighdeora fosta ar réaltra a aimsíodh le gairid, Abhacréaltra Éilipseach an tSaighdeora, atá lonnaithe díreach taobh amuigh de Chóras Bhealach na Bó Finne.

Is so-aitheanta an réaltbhuíon seo mar gheall ar an astaireacht dá ngairtear an Taephota. Déanann na réaltaí Kaus Media (δ), Kaus Australis (ε), Ascella (ζ) agus φ Sgr an phríomhchuid den phota; is í Kaus Borealis (λ) an pointe ar bharr an chlaibín; is í Alnasl (γ) rinn an ghob; agus is iad Nunki (σ) agus τ Sgr an chluas. [1] [2]

Ní hí α Sgr, nó Rukbat, an réalt is gile ar an réaltbhuíon seo ar chor ar bith, gan bheith di ach ar méid 4.0.

Is dlúithe Bealach na Bó Finne ar dhul dó tríd an Saighdeoir, óir is anseo atá lár an Réaltra lonnaithe. Dá bhrí sin, is iomaí réaltbhraisle agus réaltnéal atá le fáil ar an Saighdeoir.

[athraigh] Príomhghnéithe

β Sgr:

W Sgr:

X Sgr:

[athraigh] Réada suntasacha domhainspéire

M8: sa réaltbhuíon seo tá réaltnéalta le fáil go hiomadúil; tá Réaltnéal an Mhurlaigh (M8) in aice le λ Sgr agus go hálainn le feiceáil tríd an teileascóp

M17: tá Réaltnéal Omega (dá ngairtear freisin Réaltnéal na hEala agus Réaltnéal an Chrú Chapaill) in aice na teorann leis an Sciath

M20: réaltnéal mór a bhfuil a lán réaltaí ann atá an-óg agus an-te

M22: réaltbhraisle chruinneogach

M23: réaltbhraisle oscailte

M24: réaltréimse ar Bhealach na Bó Finne

M55: réaltbhraisle oscailte; tá M55 ar na réaltbhraislí is gile dá bhfuil infheicthe ar realtbhuíon an tSaighdeora; tá sí amuigh is istigh ar 7.5° siar ó δ Sgr.

Sagittarius A: tá an radafhoinse aimhréiteach dá ngairtear Sagittarius A a bhfuil baint aici le lár an Réaltra lonnaithe fosta ar an réaltbhuíon seo. Dar leis an lucht réalteolaíochta go bhfuil dúpholl for-ollmhór istigh inti.

[athraigh] Miotaseolaíocht

Tá scothchosúlacht cipínigh ar an Saighdeoir a bhfuil bogha á rí aige; agus má chuirtear san áireamh réaltaí níos doiléire, is cosúil go bhfuil corp capallach ag an mboghdóir seo [3]. D'aithin na Sean-Ghréagaí a leithéid d'íomhá mar cheinteár, cé gur ionannaigh sibhialtachtaí níos luaithe (na Bablónaigh, mar shampla) leis an dia Pabilsag (a raibh sciatháin agus ceann leoin aige fosta) é.

De réir mhiotaseolaíocht na Gréige, d'ionannaítí an Saighdeoir uaireanta le Céarón, agus é ag díriú a bhogha ar an Scairp, cé go n-ionannaítí Céarón níos minice le réaltbhuíon an Cheinteáir. Uaireanta d'ionannaítí réaltbhuíon na Saighde leis an saighead a scaoil an Saighdeoir.

I measc ionannaithe luatha eile faightear an crothal, a bhfuil scothchosúlacht ag na réaltaí is gile leis má chuirtear go léir san áireamh iad. Mar sin, is cosúil go bhfuil baint éigin ag an Saighdeoir, i dteannta réaltbhuíonta eile ar chomhartha stoidiacach an tSaighdeora (go sonrach an Eala, an Lir agus an tIolar)) le bunús mhiotas Éin Stimfealas, ceann de Dhá Shaothar Déag Earcail.

[athraigh] Astralaíocht

Ní hionann comhartha astralaíoch an tSaighdeora a nglacann an Domhan Thiar leis agus an réaltbhuíon réalteolaíoch is an comhartha astralaíoch Hiondúch atá ar aon ainm leis. Tá an chéad cheann ar an stoidiaca trópaiceach (Samhain 22 - Nollaig 21) agus tá an dara ceann ar an stoidiaca réaltach (Nollaig 18 - Eanáir 18).

De réir cúpla cosmeolaíocht, tá baint éigin ag an Saighdeoir le dúil chlasaiceach na Tine, agus mar sin de aithnítear mar chomhartha na tine é (mar aon leis an Reithe agus an Leon). Tá an Saighdeoir freisin ar cheann de na ceithre chomhartha inathraithe (i dteannta an Chúpla, na Maighdine agus na nIasc). Is é Iúpatar is pláinéad ceannasach leis, agus is é an Cúpla is frithchomhartha polach leis. Is é an Saighdeoir áitreabh Iúpatair.

Baineann gach comhartha astralaíoch le roinn éigin an choirp, agus tuigtear an roinn sin mar ionad a chumhachta. Rialaíonn an Saighdeoir na corróga agus na ceathrúna.

Is é an ceinteár nó an boghdóir a úsáidtear mar shiombail an tSaighdeora is.

[athraigh] Naisc sheachtreacha

[athraigh] Tagairtí

Burnham, Robert Jr. (1966, 1978). Burnham's Celestial Handbook: An Observer's Guide to the Universe Beyond the Solar System, v.3. General Publishing Company, Ltd., Toronto. ISBN 0486236730.

Réalteolaíocht | Réaltbhuíonta an Stoidiaca | Astralaíocht