Renault
Ut Wikipedy
Renault is in Frânsk automerk.
Ynhâld |
[bewurkje seksje] It begjin
Yn 1898 boude de doe 22-jierrige Lois Renault syn earste auto. In advokaat probearre de auto út en wie sa ûnder de yndruk dat er ien bestelde. Tegearre mei syn bruorren rjochte hy op 25 febrewaris 1899 Renault Freres op. De ûndernimming waakste hurd: fan 2.200 auto’s yn 1906 nei 3.800 yn 1908 en yn 1910 al 6.800. Marcel Renault ferûngelokket yn 1903 by in Rally fan Parys nei Madrid. Louis bliuwt allinnich oan it roer fan it bedriuw. Syn oare broer Fernand lûkt him werom. Yn april 1911 giet Louis nei de Feriene Steaten om te sjen nei de produksjehallen fan Ford. Hy moete Henry Ford en gie werom nei Parys mei de motivaasje om Renault ta ien fan de grutste yndustriele konserns fan Frankryk te meitsjen.
[bewurkje seksje] De kriich
Renault kaam goed út de Earste Wrâldkriich en daliks nei de kriich begûn Renault wer mei de produksje fan syn lúkse auto’s. Wyls makke Renault ek tanks.
De Renault 40 CV wie it topmodel fan Renault, de auto wûn ek de Rally fan Monte Carlo yn 1925 en bruts ferskate rekords. Fan 3 oant 4 juny lei in 40 CV yn 24 oeren persys 3384,749 kilometer ôf. Oer in tiidrek fan 24 oeren ried de auto gemiddeld 141,031 kilometer yn it oere, in prestaasje yn dy tiid. Bentley bruts in pear moanne letter it rekord wer, mar de nije 40 CV bruts opnij it rekord.
It bedriuw hat in soad te lijen fan de delgong fan de beurs, mar it bedriuw komt de klap wer te boppen as se yn 1930 en jierren dêrnei snel in soad nije modellen yntrodusearje as de Nervastelle, de Reinasport en de Nervasport. Renault komt al gau side oan side te stean op de bûlevards mei Rolls-Royce en Hispano Suiza.
Yn de Twadde Wrâldkriich produsearre Renault sawol masines en kriichsmateriaal foar de alliearden as foar de Dútsers. Louis Renault wurdt nei de befrijing fan Frankryk yn 1944 arrestearre en koart dêrnei ferstjert hy yn de finzenis noch foardat de rjochtsaak tsjin him begjint. De steat wurdt de baas fan Renault. Nei de Twadde Wrâldkriich wurdt de populêre 4CV yntrodusearre.
[bewurkje seksje] Jierren ‘50
Yn de jierren ’50 wurdt der in soad eksperimintearre mei aërodynamika. Yn de jierren sechtich wurdt der úteinlik foarútgong boekt troch Renault middels it eksperimintele ferline út de jierren ’50. De Renault 16 wurdt troch Dreyfus yntrodusearre as it nijste model fan Renault en mei dit nije model hat it konsern ek in wrâldprimeur. De foarm, it efterlizzende idee en de fabrikaazje wurdt ferneamd yn de ynternasjonale autoparse. Saviem wurdt oernaam troch Renault.
[bewurkje seksje] Jierren ‘60
Yn de jierren sechtich heart it Amerikaanske automerk AMC-Rambler ek by it konsern. Renault wurdt ek eigener fan de American Motors Corporation, ûnder oare eigener fan Jeep. Yn 1987 ferkeapet Renault AMC wer oan Chrysler.
[bewurkje seksje] Jierren ‘70
Yn de jierren ’70 begjint Renault in eigen Formule 1 team. De RS 01 wurdt de auto. Yn 1978 wurdt Reanult yn de 24 oeren fan Le Mans earste mei de Alpine A442B. De súksessen yn de autosport wurdt troch Renault fuortset yn de persoaneauto’s dy’t se meitsje. Sa yntrodusearre Renault ein jierren ’70 in populêre turbotechnology yn de motortechnyk foar de persoanewein. Yn 1984 yntrodusearre Renault de Espace, makke troch Matra. Renault nimt Mack oer.
[bewurkje seksje] Jierren ‘90
Nije namme by Renault yn de jierren ’90 binne de Clio, de nijste Espace en de Twingo. Volvo nimt de truckôfdieling oer fan Renault. Fan 1992 oant 1997 wûn Renault seis konstrukteurstitels yn de Formulie 1 as Williams-Renault en yn 1995 as Benetton-Renault. Yn 1997 konstatearre men dat de groei út de modellen wie en it gie net sa goed mei de ferkeap fan auto’s. Yn dat jier luts Renault har tebek út de Formule 1. Letter yn 2002 komme se werom troch it Benetton team oer te nimmen. Se winne yn 2005 de konstrukteurstitel en de riderstitel (Fernando Alonso).
Yn 1999 naam it Frânske autokonsern in kontrolearjend belang yn it Japanske automerk Nissan en starte hjirmei in alliânsje tusken de twa autofabrikanten. Tsjintwurdich is Renault ien fan de grutste autofabrikanten yn Jeropa en is merklieder op it kontinint. De automerken Dacia, Nissan, Renault Samsung Motors en Renault hearre ta de Groupe Renault.
