London Bridge
Ut Wikipedy
De London Bridge is in ferneamde brêge yn London oer de Teems, fan City of London nei Southwark.
[bewurkje seksje] De hjoeddeiske brêge
De brêge leit tusken de Cannon Street Railway Bridge en Tower Bridge. Oan de súdein fan de brêge lei de Katedraal fan Southwark, en oan de noardein it monumint foar de Grutte Brân fan Londen, mei it stasjon fan de ûndergrûnse dat dêr nei neamd is. De hjoeddeiske brêge is ynwijd yn novimber 1973.
London Bridge is in part fan de Britske A3.
[bewurkje seksje] Skiednis
Mûglik hat der al yn de Romeinske Tiid in brêge west op dit stee. De ferneamde London Bridge is lykwols de twadde foargonger fan de hjoeddeiske, boud fan 1176 oant 1209 as ferfanging fan in houten brêge. Dy earste stiennen brêge wie net allinnich ferneamd om't it lang de iennichste ferbining yn Londen oer de Teems wie, mar ek om't der yn de Midsieuwen huzen en winkels op de brêge boud wienen. Dy waarden earst om 1760 hinne ôfbrutsen, om mear romte oan it ferkear te jaan.
Dizze Alde Londen Bridge waard yn 1838 ferfongen troch de Nije London Bridge, in ûntwerp fan John Rennie. Dy brêge hat minder as twa ieuwen stien mar waard yn 1972 ferfongen troch de hjoeddeiske brêge. De ôfbrutsen Nije Londen Bridge is oerbrocht nei de Feriene Steaten, en is op 'e nij opboud by de Havasu-mar, as in part fan in ferdivedaasjepark mei in Ingelske styl.
[bewurkje seksje] Keppelings om utens
- Ynformaasje oer de brêge Ingelsk
- Sabearre slach troch de Alde London Bridge Ingelsk
- 360 Utsjoch-rûnom fan London Bridge Ingelsk
