Kob
Ut Wikipedy
| Kob | ||||||
|---|---|---|---|---|---|---|
 |
||||||
| taksonomy | ||||||
|
||||||
| soarte | ||||||
| Larus ridibundus |
De Kob (Larus ridibundus) is 35-39 sm grutte fûgel út de famylje fan de Seefûgels. De Kob hat foar in grut part wite fearren. De boppekant fan de de wjukken is griis, en de úteinen fan de wjukken binne swart. Fierder hat de fûgel in brune kop mei in readeftige snaffel en reade poatten. Yn it winterkleed is de kop wyt mei swarte plakjes op de wangen en om de eagen hinne. De Kob kin wol sa'n 30 jier âld wurde.
Ynhâld |
[bewurkje seksje] Oare nammen
De Kob wurdt yn Fryslân ek wol kôb, kobbe, kôbel(er) as fiskmiuw neamd.
[bewurkje seksje] Fersprieding
De Kob komt yn it noarden fan hiel Jeraazje foar. De fûgel libbet yn sompen, by rivieren en marren. De Kobben sykje foaral om oan harren iten te kommen it selskip fan de minsken op. Winterdeis lûke de kobben meast nei wat waarmere gebieten. De Kob komt yn grutte tallen foar, nei alle gedachten binne der sa'n 2 miljoen kobben.
[bewurkje seksje] Iten
De kobben ite lytse dieren, fisken, wjirms en ôffal.
[bewurkje seksje] Fuortplanting
De Kobben briede fan april oant yn july. Se briede yn grutte koloanjes. It wyfke leit meastentiids sa'n trije 5 sm grutte, aaien yn it nêst. Beide âlden briede de aaien yn 23-25 dagen út. Nei sa'n fjouwer oant fiif wike kinne de jonge fûgels fleane.
