De Himrik
Ut Wikipedy
|
||||||||||||||||||||||
De Himrik is in streekdoarp yn de gemeente Opsterlân, súdeast fan Beetstersweach. It leit oan de wei fan Wynjewâld oer Bakkefean en Lippenhuzen nei De Gordyk.It doarp hat likernôch 440 ynwenners (2004). Yn de buorren fan De Himrik stiet in 12e ieusk tsjerkje, wijd oan Sint Andreas, mei in begraafplak en in grêfkelder fan de famylje Van der Sluis der omhinne. Dizze ferfeantersfamylje hat ek It Koetshús út 1901 oan de westkant fan it doarp sette litten. By izze Wite Tsjerke stiet ek ien fan de klokkestuollen yn Fryslân.
 Klokkestoel |
Yn de tiid fan de turfwinning, midden 18e ieu, is yn 1755 it Himrikerferlaat yn de Kompanjonsfeart slein. De slûs is hûndert jier letter fan stien makke en yn 1902 hielendal fernijd. De ophelbrêge is yn 1952 út in oar plak weikomd.
Der hawwe altyd twa basisskoallen west, iepenbier en kristlik, mar de kristlike skoalle gie yn 2007 ticht. It doarp hat in doarpshûs mei sportfjilden en in Fryske Hyndersintrum. Der binne gjin supermerken mar wol in winkel wêr't klompen en fiskerark ferkocht wurdt. Ek is der in horekagelegenheid. De Himrik leit oan de Opsterlânske Kompanjonsfeart, ek wol Turfrûte neamd. It doarp hat ek in eigen iisbaan en in iepenloftswimbad. It ynwennertal leit sa om-en- by 740. Yn de omkriten lizzen stkjes lân mei houtwâlen (kûlisen lânskip), fierders binne der ferskate bosken en boskjes om te kuierjen. In heidelânskip en in fallei om De Boarn of "Alddjip" soargje foar noch mear fariaasje.
Yn de bosken Sparjeburd is in iepenloftteater.
Ynhâld |
[bewurkje seksje] Mienskip
It doarpshûs hjit De Bining. Der binne twa buertferienings: tusken Twa Doarpen en Easte Ein. Hemrivent soarget foar in jierliks feest. Pleatslik Belang bestie yn 2007 100 jier.
[bewurkje seksje] Ferienings
- Eensgezindheid - drumband en korps
- HVC en Nei It Sin- folleybal
- SVH - gymnastyk, badminton, aerobic en sealfuotbal
- WWMD - kuorbal
- Haast U - iisclub
- De Fjildruters - hynsteriden
- Keakellust- hoanneferiening
- It Heisterplak - boarterstún
[bewurkje seksje] Befolking:
[bewurkje seksje] Strjitten:
Andryssingel, Binnenwei, Bûtewei, Kompanjonsfeart, De Maneezje, Dominee de Boerwei, Engbert Pierswei, Fabryksleane, Himrikerpaad, Honk, Ikesingel, Jan Evertswyk, Poasen, Sparjeburd, Tjalling Harkeswei, Welgelegen.
