Norröna
Frá Wikipedia, hin frælsa alfrøðin
Norröna | ||
---|---|---|
|
||
Skipanavn | Norröna II | |
Byggiár | 2003 | |
Reiðarí | Smyril Line | |
BRT | 36000 | |
Ferð | 21 míl | |
Ferðafólk | 1.482 | |
Bilar | 800 | |
Longd | 164 m | |
Breidd | 30 m |
Innihaldsyvirlit |
[rætta] Norröna I
Tann gamla Norröna var bygd í 1973 í Rendsborg sum Gustav Wasa. Frá 1984 æt hon Norröna og sigldi fyri eigaran Smyril Line millum Danmark, Føroyar, Ísland og Noreg. Avloysarin er tann nýggja Norröna (frá 2003). Men tað gamla skipið er enn undir føroyskum flaggi - sum trúboðanarskipið Logos Hope.
[rætta] Norröna II
Tann nýggja Norröna er eitt luksusskip. Tað var bygt í Lübeck, og 8. apríl fór hon jomfrútúrin úr Týsklandi við kós ímóti Føroyum, har hon varð sett í rutusigling 10. apríl 2003.
Við eini longd upp á 164 m og eini breidd á 30 m hevur hon pláss fyri umleið 1.500 ferðafólkum og eisini 800 bilum. Manningin telur umleið 120 fólk.
Norröna hevur luksuskømur, stór handilsøki, góðar matstovur, barrir, dansihøli, spælipláss til børn, svimjihyl, venjingarhøll o.s.fr.
Norröna II kostaði umleið 100 mió. evrur, sum var rættiliga dýrt fyri Smyril Line, og tað gav reiðarínum fíggjarligar trupulleikar. Men tað kláraði seg, og nú er tað við íslendskari, hetlendskari og almennum stuðli tryggjað, at Norröna verður verandi eitt føroyskt skip. Norröna er størsta ferðamannaskip í Føroyum. Hon siglir ímillum Hanstholm, Tórshavn, Bergen, Seyðisfjörður og Scrabster.
Í 2006 fór Smyril Line at tosa um at skifta út Lerwick við Scrabster, men hetta vakti stóra øsing, ikki minst frá hetlendingum, sum hava fíggjað stóran part av Norrønu. Frá summarinum 2007 er Norrøna kortini farin at sigla aðruhvørja viku til Lerwick og aðruhvørja viku til Scrabster.
Mynd:Norröna í Tórshavn.jpg Mynd:Norroena og Smyril.jpg