Yann Tiersen
Dendi Güiquipeya
Músicu polistrumentista francés, autol la banda sonora la pinicla Le fabuleux destin d’Amélie Poulain.
Continius |
[eital] Biugrafia
Tuvió nacéncia el 23 Húliu de 1970 en Brest (Fráncia). De nuevu estuyó en várius conselvatórius enas ciais de Rennes, Nantes i Boulogne. Estuyó violín i pianu i mas tardinu compusición, enanchandu el su repertóriu estrumental tamién al alcordión, el toy piano i la quitarra elétrica. La sus enfruéncias cuandu nuevu huerun sobritó el rock, la chanson i la música crásica, los tres pontonis enos que se sostriba la su música.
[eital] Trebahus
En 1995 espubricó el su primel trebahu totalmenti estrumental entitulau La valse des monstres. Un añu mas tardi espubrica La rue des cascades, discu esti ondi enclui el tema omónimu cola vozi la cantora Claire Pichet, pista central la pinicla La vie revée des anges, de Erick Zonca.
Mas tardi esprimentó cola música hunta várius grupus musicalis, destacandu el discu Bästard, cuyu es la banda omónima. En 1998 espubrica Le phare nel que cuentó cola colabutación del anombrau cantanti Dominique A, alcibiendu ecelentis críticas.
Un añu mas tardinu espubricó Tout es calme i Black session enos que colabutan bandas de rock. En 2001 espubrica unu los sus discus mas laboreaus, L’Absente, ondi participan numerosus artistas. Tamién del 2001 es la banda sonora la pinicla el cineasta galu Jean-Pierre Jeunet Le fabuleux destin d’Amélie Poulain, discu que le dio el vencihón a la nombreria entrenacional.
En 2002 en holmatu de diretu espubrica un discu recopilatóriu entitulau C’était ici. Pa la pinicla Good bye, Lenin! compón tamién la su banda sonora orihinal nel 2002. En 2005 espubrica material nuevu nel discu entitulau Les retrouvailles. Apellau a esti trebahu le siguió un DVD con el títulu de La traversée. En 2006 espubrica un nuevu diretu, On Tour, hata el momentu el su úrtimu trebahu discugráficu.
[eital] Discugrafia
- La valse des monstres, 1995.
- Rue des cascades, 1996.
- Le phare, 1998.
- Tout est calme, 1999.
- Black session, 1999.
- L'absente, 2001.
- Le fabuleux destin d'Amélie Poulain, 2001.
- C'etait ici, 2002.
- Good bye, Lenin! (BSO), 2003.
- Yann Tiersen & Shannon Wright, 2004.
- Les retrouvailles, 2005.
- On tour, 2006.
[eital] Atihus
- Páhina oficial: http://www.yanntiersen.com/
- Comuniá, en castellanu: http://www.losreencuentros.es/foro/
