Votacionis afechás

Dendi Güiquipeya

Votacionis afechás Aquí s'alcuentran las votacionis afechás.

El Seranu Duas Quehas

Votacionis Abiertas Çahorilis

Bienviniu · Al tentu · Ayua · Esmiença a eital!

Éndici A–Z · El Ayuntamientu · La Trohi · Embassy

Las siguientis votacionis s'alcuentran ya afechás, nu ostanti, pueis gorvel a
pranteal una votación ya afechá ena seción de votacionis abiertas

Continius 1 Al tentu los enlacis "EntelGüiqui" ena páhina prencipal 2 Ortugrafia el tiu Fraili 3 Nuevas prantillas 4 Al tentu los huturus alministraoris 4.1 Bot 4.2 Sysop 4.3 Bureaucrat 5 Güiquipeya estremeña en purtugués oliventinu i A Fala 6 De Vacáncias 7 Duendis i alministraoris 8 Al tentu Idioma u Luenga 9 Al tentu la wikipedia en purtugués oliventinu 10 Votaeru el primel logu la Güiquipeya 10.1 Pateraggelos 10.2 Purgossu 10.3 Resurtau 11 Pulítica e votacionis 11.1 Resurtau 12 Logu los çahorilis 12.1 Resurtau

[eital] Al tentu los enlacis "EntelGüiqui" ena páhina prencipal

Es ora e dil creandu los enlacis a otras wikipedias ena páhina prencipal. Tenemus dos ocionis: Ponel solu los enlacis a wikipedias relacionás con el estremeñu: cumu el purtugués, asturianu, castellanu, vascu (pol estal nel mesmu país)..., u ponel enlacis a tolas güiquipeyas. Yo presonalmenti prefieru la primel oción. Un saludu! Tiu Chelu 15:42, 30 August 2007 (UTC)

Pa mi amás de las güiquis relacionás col estremeñu, creu que se eberie ponel tamién las 10 ó 15 más emportanti, estu es con mas artículus. ¿Qué vus paeci? --Pateraggelos 13:56, 18 October 2007 (UTC)

10... pacin muchas... yo pondria las luengas d´España, mas el ingrés, el francés, purtugués i el alemán (tamién pudriamus incluil el chinu i esu, peru la verdá es que nu creu qu´aiga palrantis d´estremeñu que tamién palrin chinu, i viceversa). Tiu Chelu 14:31, 18 October 2007 (UTC)

É escrebiu los atihus EntelGüiqui que creu mas emportantis, peru se alguien crei que farta angunu, puei escrebilu sin mas (esu sí, que tenga cierta emportancia u esté relacionau con el estremeñu d'anguna horma) Saludus! Tiu Chelu 15:44, 11 November 2007 (UTC)

[eital] Ortugrafia el tiu Fraili

Ena mi opinión, es mestel gastal una ortugrafia cumún n´estremeñu. Uguañoti, ca presona escrebi e horma deferenti (inque úrtimamenti tos prencipiamus a escrebil de horma mas paicia), peru en fin, al nu desistil una gramática, creu que sedrie güenu tomal la ortugrafia el Fraili cumu patrón. De toas hormas, esta nu es una decisión mia, asínque, yo pola mi parti voyu a favol, peru á que vus paci. Pol ciertu, é chambau el nombri el artículu Cazris a Caçris, si vus peta la propuesta lo ehu asina, si nu, lo gorveré a hucheal Cazris. Saludus! Tiu Chelu 14:24, 28 August 2007 (UTC)

[eital] Nuevas prantillas

Pol agora solu é hechu 2... inque tapocu es que seyan mestel una tupa... aholá que vus petin... Saludus! Tiu Chelu 14:40, 20 August 2007 (UTC)

[eital] Al tentu los huturus alministraoris

Güenas! Lo cúmu va esi vranu? ^^ Güenu, la traución el interface acontina p´alantri, inque tamién tengu una tupa duas... á si "me camelo al Fraili" i cuandu güelva m´ayua :P Güenu, al igual que en tolas güiquipeyas se hizu una votación pa hucheal a los sus almenistraoris... pos lo mesmu ena muestra. Tol mundu puei izil los nombris que mas le petin, i tol mundu puei votal, pol supuestu... el que mas votus a favol tenga, gana. Tiu Chelu 07:05, 19 August 2007 (UTC)

[eital] Bot

• Yo lo eharia tal cumu está...Tiu Chelu

[eital] Sysop

• Duendi: A vel, estus son los hucheaus "bibliotecarios" ena güiqui española, el nombri lo é cohiu d´una propuesta d´allí. La razón el nombri es sencilla: los "bibliotecarios" ebin runchal colos hucheaus "trolls" (presonas que tratan d´enfurruscal a los demas en forus i carabas) i demas presonas a las que nu les peta hazel las cosas bien... asínque lo mehol pa esus chascus es un duendi ^^ Tiu Chelu

[eital] Bureaucrat

• Alministraol: Es el nombri mas gastau enas güiquipeyas... i me paci que es bastanti claru. Tiu Chelu

[eital] Güiquipeya estremeña en purtugués oliventinu i A Fala

Pos la propuesta viini a sel el ehal un espaciu pa los palrantis d´estas variedais d´estremeñu, estu se pudrie hazel de la siguienti horma: endi la páhina prencipal la Güiquipeya se hadrien unus enlacis a otras páhinas prencipalis (una en A Fala i otra en Purtugués oliventinu), i cá una tendrie las sus propias categorias i demas.... de horma que los articulus nu quein mesturaus en palras deferentis... lo unicu que nu se pudrie traucil en prencipiu sedrie el interface... peru en fin, si vus paci bien i cuandu mos aigan aprebau la Güiquipeya definitivamenti, palraré con angún almenistraol... Tiu Chelu 13:28, 2 July 2007 (UTC)

Já comecê a Wikipédia oliventina: http://incubator.wikimedia.org/wiki/Wikip%C3%A9dia Obrigado, Tiu Chelu! --Ibérico 15:14, 18 August 2007 (UTC)

[eital] De Vacáncias

É criau una nueva seción endrentu la portá de la Güiquipeya hucheá De Vacáncias pa dal mas a conocel los muestrus puebrus i ciais. A vel lo qué vos paeci. --Pateraggelos 09:50, 29 June 2007 (UTC)

A mi me paci bien... inque sedrá otru cuairu mas a atualizal periodicamenti, peru estoi a favol ^^ Tiu Chelu 10:19, 30 June 2007 (UTC)

Creu qu´esta seción eberia sel esborrá... es mu compricá d´atualizal i uguañoti nu es qu´aiga una tupa henti colabutandu nel proyeutu... saludus! Tiu Chelu 14:34, 28 September 2007 (UTC)

[eital] Duendis i alministraoris

Esta votación ya se hizu nel su dia, peru en fin, solu voté yo i era mestel poneli un nombri a los "sysop" i "bureaucrat", asínque, la mi propuesta es chambal en nombri atual "Duendi" (sysop en ingrés i bibliutecáriu en castellanu) pol Çahoril (nel sintiu la mitulohia hurdana, pueis alcuentral mas enhormación pursandu aquí). Ena mi opinión, esti chambu hazria albondu mas estremeña la Güiquipeya, peru en fin, vusotrus izreis.

Pol otra parti, yo creu que gastal la parabra "alministraol" pa hucheal a los "burócratas" está bien, inque si tinís anguna otra propuesta... Tiu Chelu 11:43, 1 February 2008 (UTC)

• Me pahi mu güena idea lo de çahoril. Nu tinia ni paholera idea lo que era un çahoril ni que desistia esi artículu e la mitulohia e las Hurdis. Yo, hormi eis puiu vel nalgotrus comentárius mius, toinu lo que seya gastal parabras que mos deferéncien del castellanu mehol que mehol. Asinque dambos dos, çahoril i alministraol tinin el mi votu. Al tentu lo d'escrebil lo cúmu me dio pol crial la Güiqui hazré anguna cosina, craru que si.--Pateraggelos 16:28, 2 February 2008 (UTC)

[eital] Al tentu Idioma u Luenga

Trauciendu artículinus luengüísticus é caiu en que éis criau angunus pusiendu nel entítulu: Idioma tal i cual, pol sabulugal italianu. Cumu ain numirosas luengas, palras, dialetus, idiomas, i tal i mas devisionis filulóhicas, creu mas comenienti ponel luenga italiana mehol que idioma italianu. Lo igu pol nu andal con cavilacionis sobri si esta palra es una luenga, idioma u lo qué córciu es, polque alogu vinin las estupendosas runchas políticu-luegüísticas. Pol tó estu creu mas corretu i marramus menus si izimus que toas son luengas, inque centíficaenti nu lo seyan, que si izimus que toas son idiomas. Si vos paeci bien, yo me pongu a chambal las páhinas desistentis. Asperu la vuestra rispuesta. --Pateraggelos 10:15, 30 January 2008 (UTC)

Yo rialmenti nu sé destas cosas, nu sé mu bien las razonis qu'ai pa deferencial entri luenga/idioma... asínque pola mi parti, ni lo veu bien, ni lo veu mal (sé qu'enantis ena güiquipeya en castellanu s'izia luenga i lo chambarun a idioma pol queal mas "enciclupéyicu"). Lo que sí me preocupa es cúmu deferencial entri si una palra (pol sabulugal, el cántabru) es una luenga, un dialetu... hazemus lo mesmu que hazi Wikimedia? (es izil, si la palra tiini cóigu SIL es una luenga, i si nu, una palra)... Tiu Chelu 13:12, 30 January 2008 (UTC)

Pus la deferéncias sin entral en abarullus ténicus son mas o menus estas: La luenga es un télminu mas luengüísticu i se refiri al sistema de sinus col que se comunica una comuniá umana. En chambu, el idioma, tini mas que vel colas luengas mas estandarizás, cola literatura que ai nesa luenga, que tinin reconocéncia oficial, i tal i mas, es izil, temas mas políticus. Pol sabulugal, el italianu es un idioma peru nu el latín, que se supón muertu, u el estremeñu, que no tini reconocéncia (pol ehrácia). Alogu está lo del dialetu i la palra. Estu es mas enteosu, polque dialetu es un sistema luengüísticu ahorrau u derivau d'algotru. Pol sabulugal el estremeñu es un dialetu el Asturlionés, peru tamién el castellanu es un dialetu el latín, cumu el catalán, francés, i tal i mas. Lo que mas se mira pa consieral una luenga u un dialetu audecha sel que seyan suficientienti deferentis dalgotras luengas (estu cumu pueis vel es mu suhetivu). Y la palra es mas endividual, puei sel la horma en que tu mesmu palras el español (esa es tu palra), peru tamién la horma e palral de un puebru u una comuniá sin que esté mu definias las deferéncias cola supuesta luenga mairi (la palra andaluza, la palra canária). Yo lo que igu es nu hazel la deferéncias entri dialetu ni idioma, solo luengas. Asina puemus metel el español, italianu, latín, estremeñu, asturianu, árabi... seyan dialetus estóricus, idiomas, luengas muertas... Asperu nu belti enreau mas, :). --Pateraggelos 14:56, 30 January 2008 (UTC)

Chacho, pos nu es enteosu estu ni ná... siendu asina, la verdá es que me queu con "luenga" en lugal de "idioma", lo que nu me quea mu craru es lo que hazremus colos dialetus, pol sabulugal, la palra el Rebollal, Hurdanu, Sirragatinu... esu tamién sedrian luengas?, u los dialetus d'otrus idiomas... nu acabihu e vel esu, polque pol esa regra e tres, el manchegu es una luenga, pol ponel un clusu... Tiu Chelu 15:21, 30 January 2008 (UTC)

Esus sabulugaris c'as puestu son palras, polque nu están mu deferenciaus de la luenga mairi (el estremeñu uñificau, coiné estremeña u neuestremeñu, cumu lo queramus llamal, nel primel chascu i el español, nel sabulugal del manchegu, andalús...). Pol esu nu queria enfurruscalu tantu, polque ni los luengüistas mos ponemus dalcuerdu. Yo estó pol palral ena Güiqui de luengas i palras i ehal el restu de deferéncias. U si nu, entitulal el artículu cumu "Purtugués", "Italianu" namás, i endispués definilu endrentu. Es la maea que tinin las Güiquis de Fráncia, la catalana, asturiana... El restu gastan luenga (la italiana, gallega...) --Pateraggelos 16:04, 30 January 2008 (UTC)

Dalcuerdu, pola mi parti nu ai mas preguntas ^^. Yo votu pol queal los entítulus cumu luenga i palra (cumu ena italiana, gallega...). Me paci emportanti queal craru nel entítulu si se palra duna luenga, palra... (amas, desta horma se deferenciaria enos chascus en que desisti una luenga i un dialetu con el mesmu nombri, pol sabulugal, el estremeñu, el aragonés...) Saludus! Tiu Chelu 16:59, 30 January 2008 (UTC)

[eital] Al tentu la wikipedia en purtugués oliventinu

Oi é vistu un mensahi duna presona qu'izi sel estremeñu palranti a unu los alministraoris que mas mos a ayuau. N'él s'izia qu'eramus tres u cuatru amigus qu'emponiamus la muestra ortugrafia i tal i cual, en fin, que nu queria que s'aprebasi la Güiquipeya (ca unu que crea lo que quiea). El chascu es que unu los argumentus que gastó hue que tiniamus una parti la Güiquipeya nun dialetu el purtugués (estu es, la Güiquipeya en purtugués oliventinu)... yo soi el primeru al que le petaria que acontinara desistiendu (yo mesmu ayué a criala), peru creu que mos puei trael pobremas... i si entovia los oliventinus escrebieran i tal, pos runcharia pol ella, peru rialmenti está abaldoná... nu sé, lo cuál es la vuestra opinión? Tiu Chelu 20:23, 19 February 2008 (UTC)

---

¿Pues endirgal el atihu del sitiu ondi lo vidisti, pol favol?

--Ringurrangu 05:34, 22 February 2008 (UTC)

Ups te diba a contestal i resurta que ya loo as alcuentrau tú... en fin, yo nu diba a escrebil ná (pol sel una caraba "privá" ena páhina el usuáriu... en fin, nu á diu mal, asínque grácias pola ayua Ringurrangu! La verdá es que yo estaba acagaçainu perdiu XD. Mentris los alministraoris nu igan ná, quearemus la wiki en oliventinu. Saludus! Tiu Chelu 17:57, 25 February 2008 (UTC)

[eital] Votaeru el primel logu la Güiquipeya

Los logus criaus pol Pateraggelos i Purgossu án tiniu el mesmu númiru e votus, asínque daremus otrus 10 dias pa tratal de resorvel el empati (afecharemus el dia 15 e Marçu). Suerti a dambus dos! Tiu Chelu 18:20, 5 March 2008 (UTC)

[eital] Pateraggelos

Votus a favol:

1. Pa igualal el votaeru, me queu cola e Pateraggelos, es más simpri. Salús! Tíu Cancho 0:10, 26 Hebreru 2008

[eital] Purgossu

Esta imahin sedrá mestel redimensionala si sali lihia

Votus a favol:

1. Aluspués de cavilal albondu (la verdá es que tantu la imahin de Purgossu cumu la e Pateraggelos son mu güenas), me queu cola e Purgossu, ebiu a que la criá pol Pateraggelos puei presentalsi pa otru momentu (pol sabulugal, pal dia d'Estremaura). Saludus! Tiu Chelu 18:06, 25 February 2008 (UTC)
2. Pus, me pahi que yo vi a votal la imahin de Purgossu. Reconoçu que es mas repulia i tini mas orihinaliá que la mia. Amás puemus vel la cibueña cumu seña d'Estremaura, i nu siempri el guarru, qu'inque nu me da velgoña i tan ricu está, pahi que mas ná ai ena muestra tierra. --Pateraggelos 11:22, 7 March 2008 (UTC)
3. Votu esta imahin, que la cibueñina es mehol seña estremeña que los própius arrayus.--Fraili Carmona Valviensi 20:04, 9 March 2008 (UTC)
4. Votu essa imagin, polque la idea es original en sí. La cibueña es nesti intri el mejol símbulu que tenemus (mejol qu'el guarrapu y la bellota, essu de siguru), anque de siguru que se puey atopal unu mejol (cibueñas hain en toas partis, co!). --Ringurrangu 19:16, 9 March 2008 (UTC)
5. Votu pola imahin el Purgossu, tamién creu que la cibueñina esa asomandu la caeza d'entri el logu la wiki es una seña estremeña y quea mu pulia. --Tallu1 20:27, 9 March 2008 (UTC)

[eital] Resurtau

Con 5 votus a favol, quea lihia la imahin del Purgossu cumu primel imahin la Güiquipeya. Grácias a tós pol participal. Tiu Chelu 09:07, 16 March 2008 (UTC)

[eital] Pulítica e votacionis

Es mestel que la comuniá la Güiquipeya voti una pulítica palas votacionis, es izil, que nu se hagan las cosas polque sí, sinu que aiga unas regras que tós ebamus seguil, pa evitalmus huturus pobremas. Velaquí la mi prepuesta (semilal a l'asturiana):

1. Pa puel participal nuna votación, el usuáriu ebi bel hechu al menus 50 contribucionis al proyeutu i contal con 30 dias d'antigueá.
2. Al participal sedrá mestel asiahal cuatru vírgulus al final del votu u comentáriu: (~~~~).
3. Los votus d'usuárius anónimus nu se contabiliçarán.
4. Las votacionis s'afecharán a los 10 dias de la prepuesta, cualisquiel votu posteriol nu sedrá váliu.
5. Pa qu'una prepuesta seya aprebá tendrá que contal con 3/4 partis favorabris de los votus totalis.
6. Las votacionis remanentis tendrán páhinas endependientis i estarán marcás cola siguienti prantill­a: {{Votación remanenti}}

Estu nu afetará a las votacionis en cursu. La votación durará 10 dias (hata el dia 22), i sedrá mestel que las 3/4 partis los votantis estén dalcuerdu.

• Votus a favol:

1. Tiu Chelu 12:48, 12 March 2008 (UTC)

• Votus en contra:

[eital] Resurtau

Con 1 votu a favol, quea aprebá la nueva pulítica e votacionis. Tiu Chelu 22:29, 23 March 2008 (UTC)

[eital] Logu los çahorilis

Es lóhicu que los çahorilis la Güiquipeya tengan un logu que, asiahau ena su páhina d'usuáriu, los identifiqui cumu tal (pa que los usuárius que landein un çahoril los alcuentrin sin pobremas i sin dual si lo son u nu). Vo a proponel una seri d'imahin qu'é alcuentrau en Commons, i si alguien alcuentra anguna que crea qu'está bien, tamién puei presentala. La votación s'afechará el dia 15. Salús! Tiu Chelu 11:48, 5 April 2008 (UTC)

Votus a favol:

1. Tiu Chelu 11:48, 5 April 2008 (UTC)
2. Chabi 11:44, 6 April 2008 (UTC)

Votus a favol:

Votus a favol:

[eital] Resurtau

Con 2 votus a favol, quea aprebá la imahin númiru 1 cumu logu los çahorilis.